اتىراۋدا سالماعى 118 كەلى بولاتىن بالىق اۋلاندى
اتىراۋ. قازاقپارات - اتىراۋدا سالماعى 118 كەلى قورتپا بالىعى بەكىرە زاۋىتىنا تاپسىرىلدى، دەپ حابارلايدى قازاقپارات.
31- تامىزدا «امانگەلدى» اتىنداعى وندىرىستىك كووپەراتيۆتىڭ بالىقشىلارى كىشى دامبى تارتىمىنان سالماعى 118 كەلى بولاتىن قورتپا بالىعىن اۋلادى.
بەكىرە تۇقىمداس بالىقتار توبىنا جاتاتىن الىپ قورتپا «جايىق-اتىراۋ» بەكىرە شاباعىن ءوسىرۋ زاۋىتىنا تاپسىرىلدى.
«الەمدە بەكىرە تۇقىمداس باعالى بالىقتار «قىزىل كىتاپقا» ەنگىزىلگەن. سول سەبەپتەن، تابيعي قورى ازايعان مۇنداي بالىقتار تەك عىلىمي-سەلەكتسيالىق باعىتتا عانا اۋلانادى»، - دەپ حابارلادى وڭىرلىك كوممۋنتكاتسيالار قىزمەتى.
ەسكە سالا كەتەلىك، بۇعان دەيىن اتىراۋدا جايىققا بەكىرە تۇقىمداس بالىقتىڭ 3,6 ميلليوننان استام شاباعى جىبەرىلگەن بولاتىن.