17:52, 23 - جەلتوقسان 2016 | GMT +5
مالتادا 118 جولاۋشى مىنگەن ليۆيالىق ۇشاقتى باسىپ العان بولۋى مۇمكىن
استانا. قازاقپارات - 118 جولاۋشىسى بار Afriqiyah Airways ليۆيالىق اۋە كومپانياسىنىڭ ۇشاعىن باسىپ العان بولۋى مۇمكىن، اۋە كەمەسى مالتاعا قوندى، دەپ حابارلايدى ر ي ا نوۆوستي رەيتەر اگەنتتىگىنە سىلتەمە جاساپ.
مالتالىق ب ا ق- تىڭ مالىمەتىنە سۇيەنسەك، ۇشاقتى باسىپ العان ەكى كۇدىكتى ونى جارامىز دەپ قورقىتقان. ازىرگە ولاردىڭ تالاپتارى بەلگىسىز. باسقا اقپارات بويىنشا، بورتتاعى قارۋلى باسقىنشى ونىڭ تالابى ورىندالسا، جولاۋشىلاردى جىبەرۋگە دايىن ەكەنىن حابارلاعان.
مالتانىڭ پرەمەر-ءمينيسترى دجوزەف مۋسكات ءوزىنىڭ Twitter- دەگى رەسمي پاراقشاسىندا جازعانداي، ليۆيالىق ۇشاقتى الدەبىرەۋلەر باسىپ العانى تۋرالى اقپارات وعان دا جەتكەن.
