118 بالانى اسىراعان قىتايلىق كەلىنشەك 20 جىلعا سوتتالدى

نۇر-سۇلتان. قازاقپارات –قىتايدىڭ حىبي ولكەسىنىڭ تۇرعىنى 20 جىلعا باس بوستاندىعىنان ايىرىلدى.

وعان اسا ءىرى كولەمدە الاياقتىق جاسادى دەگەن ايىپ تاعىلعان.

54 جاستاعى لي يانسيانىڭ اتى 2006 -جىلى فيلانتروپ رەتىندە شىققان. ول كەزدە كەلىنشەك كۇيەۋىنىڭ ءوز ۇلدارىن جەرگىلىكتى بازاردا جەتى مىڭ يۋانعا ساتىپ جىبەرگەنىن ايتقان. ول بالانى كەرى قايتارىپ العان. سودان كەيىن بالالارعا كومەكتەسۋ تۋرالى شەشىمگە كەلگەن.

1996 -جىلدان باستاپ ول تەمىر وندىرەتىن كومپانياعا يەلىك ەتىپ، سونىڭ ارقاسىندا حىبيدەگى ەڭ باي ايەلدەردىڭ ءبىرى بولعان. ول ەڭ العاش رەت شاحتالارىنىڭ ءبىرىنىڭ قاسىنان بەس- التى جاستاعى قىز بالانى كورىپ، اسىراپ العان. كەيىن ونداعان بالانى العان.

«ماحاببات اعاشى» دەگەن پريۋت اشقان. 2017 -جىلى ونىڭ ۇيىندە 118 بالا بولعان. سول جىلى جەرگىلىكتى بيلىككە ونىڭ ۇستىنەن ارىز-شاعىم تۇسە باستاعان. كەلەسى جىلدىڭ مامىرىندا پوليتسيا ونىڭ بانكتەگى شوتتارىنان ءىرى مولشەردەگى اقشا مەن قىمبات اۆتوكولىكتەر تاركىلەگەن. سول كەزدە ونىڭ 2011 -جىلدان باستاپ الاياقتىقپەن اينالىسقانى انىقتالعان.

دەرەككوز: Lenta.ru