الەمدەگى ەڭ قارت ايەل 117 جاسقا تولعاندىعىن اتاپ ءوتتى
نۇر-سۇلتان. قازاقپارات - جاپونيادا الەمدەگى ەڭ قارت ايەل كانە تاناكا 117 جاسقا تولعاندىعىن اتاپ ءوتتى.
ول فۋكۋوكا قالاسىندا قارتتار ۇيىندە تۇرادى، دەپ حابارلايدى «توكيو سيمبۋن» باسىلىمى.
تاناكا-سان تۋعان كۇنىندە اشىق سارى ءتۇستى ۇلتتىق كيمونو كيدى. وعان دوستارى گۇل شوقتارىن، قۇتتىقتاۋ حاتى مەن تورت بەردى.
«وتە ءدامدى»، - دەدى جاپوندىق كەيۋانا.
ەسكە سالايىق، كانە تاناكا 1903-جىلى فۋكۋوكا پرەفەكتۋراسىندا دۇنيەگە كەلگەن. وتكەن جىلى ناۋرىزدا عالامشارىمىزداعى ەڭ قارت ايەل رەتىندە گيننەستىڭ رەكوردتار كىتابىنا ەندى. ول الىگە دەيىن ۇستەل ويىندارىن ويناپ، ماتەماتيكالىق ەسەپتەر شىعارعاندى جاقسى كورەدى.
