قازاقستان 117 ەلگە 960 تان استام تاۋار ءتۇرىن ەكسپورتتايدى
«فەرروحرومدى 188 مىڭ تونناعا ارتىعىمەن ەكسپورتتادىق. ءبىراق، اقشالاي ەكسپورتتىق ءتۇسىم 15 ميلليون دوللارعا تومەندەدى. كاتودتى مىستىڭ ەكسپورتى فيزيكالىق كولەمدە 36 مىڭ تونناعا ءوستى، ءبىراق تومەندەگەن قۇندىق ءمانى 90 ميلليون ا ق ش دوللارىنان استام (كاتودتى مىستىڭ ەكسپورتتىق باعاسى ورتاشا ەسەپپەن 950 دوللارعا، سارى فوسفور 1400 دوللارعا تومەندەدى)»، - دەدى مينيستر.
وسىعان بايلانىستى قىتاي، يران، تۇركيا نارىعىنا شىعۋ جونىندەگى، ساۋدا ميسسيالارىن ۇيىمداستىرۋ، ەكسپورتتىق كەلىسىمدەردى قارجىلاندىرۋ، شىعىندى وتەۋ كەلىسىمدەرىن جۇزەگە اسىرۋ جولىمەن ەكسپورتتاۋشىلارعا كومەكتەسۋ جۇمىستارى كۇشەيتىلدى. مينيستر جەڭىس قاسىمبەكتىڭ ايتۋىنشا، وسى جۇمىستاردىڭ ناتيجەسىندە ەلەكترو تەحنيكا (134,3 ميلليون دوللارعا، دەيىن)، دايىن مەتالل بۇيىمدارى (92,2 ميلليون دوللارعا دەيىن)، رەزينا جانە پلاستماسسا بۇيىمدارى (55 ميلليون دوللارعا دەيىن)، قۇرىلىس ماتەريالدارى (50,2 ميلليون دوللارعا دەيىن) جانە تاعى باسقا دايىن ءونىم ەكسپورتى ارتاتىن بولادى.
«اتالعان جۇمىستى كۇشەيتۋ ءۇشىن ق ر ۇكىمەتى جانىنان ەكسپورت جونىندەگى ۇلتتىق كەڭەس، ال «كاز ەكسپورت گارانت» بازاسىندا مامانداندىرىلعان ۇلتتىق كومپانيا KAZAKH EXPORT قۇرىلادى. جالپى، 2017 -جىل وڭدەلگەن ەكسپورت ءوسىمىنىڭ قالپىنا كەلگەن جىلى بولادى دەپ ەسەپتەيمىز»، - دەدى مينيستر ج. قاسىمبەك.
www.24.kz
