بيىل كامەلەتكە تولماعانداردى تاربيەلەۋدە مىندەتتەرىن ورىنداماعان 116 قۇقىق بۇزۋشىلىق تىركەلدى

استانا. قازاقپارات - قازاقستاندا كامەلەتكە تولماعان بالانى تاربيەلەۋ جونىندەگى مىندەتتەردى ورىنداماعانى ءۇشىن (ق ر ق ك 140-بابى) جانە بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى تيىسىنشە ورىنداماعانى ءۇشىن (ق ر ق ك 141-بابى) اتا- انالارعا قىلمىستىق جاۋاپتىلىق كوزدەلگەن.

«ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى جۇرگىزگەن تالداۋ 2012 -جىلدان بەرى اتالعان باپتار بويىنشا تىركەلگەن قىلمىستاردىڭ سانى ۇدايى ءوسىپ جاتقانىن كورسەتتى. سونىمەن، كامەلەتكە تولماعان بالانى تاربيەلەۋ جونىندەگى مىندەتتەردى ورىنداماعانى ءۇشىن 2012 -جىلدان بەرى تىركەلگەن قىلمىستار 4 ەسەدەن ارتىق وسكەن (2012 -جىلعى 33 قىلمىستان 2015 -جىلعى 140 قىلمىسقا دەيىن).

اعىمداعى جىلدىڭ 5 ايىندا 116 قۇقىق بۇزۋشىلىق تىركەلىپ ۇلگەرگەن. 2012 -جىلدان بەرى وسى قىلمىستى جاساعانى ءۇشىن 51 اتا- انا سوتتالعان»، - دەپ اتاپ وتىلگەن كوميتەت حابارلاماسىندا.

بۇدان بولەك، بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى تيىسىنشە ورىنداماعانى ءۇشىن 2012 -جىلدان بەرى قىلمىستار سانى 7 ەسەدەن ارتىق وسكەن (8 دەن 57 گە دەيىن). اعىمداعى جىلى 61 قۇقىق بۇزۋشىلىق تىركەلدى. 2012 -جىلدان بەرى 5 اتا-انا سوتتالعان كورىنەدى.

سونىمەن قاتار، قازاقستاندا ەڭبەككە قابىلەتسىز اتا- انالارىن كۇتىپ- باعۋعا ارنالعان قاراجاتتى تولەۋدەن جالتارعانى ءۇشىن (ق ر ق ك 139-بابى) كامەلەتكە تولعان بالالارىنىڭ قىلمىستىق جاۋاپتىلىعى دا كوزدەلگەن.

اۆتور: رۋسلان عابباسوۆ