استانالىق تۇلەكتەرگە ج و و- دا وقۋ ءۇشىن 115 ميلليون تەڭگە الەۋمەتتىك كومەك تولەنەدى
بۇل جايىندا استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ايگۇل تالاسوۆا وڭىرلىك كوممۋنيكاۋيالار قىزمەتىندەگى بريفينگتە ايتتى، دەپ حابارلايدى قازاقپارات ءتىلشىسى.
«استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى 1- شىلدەدەن باستاپ 21- تامىزدى قوسا العاندا ەلوردانىڭ جوعارى وقۋ ورىندارىنىڭ كۇندىزگى بولىمدەرىندە وقۋ ءۇشىن الەۋمەتتىك كومەك الۋشىلاردان قۇجات قابىلدايدى.
«استانا قالاسىنىڭ مۇقتاج ساناتتاعى ادامداردىڭ تىزبەسىن انىقتاۋ، الەۋمەتتىك كومەك كورسەتۋ جانە مولشەرىن بەلگىلەۋ ەرەجەسىنىڭ» 75-تارماعى بويىنشا، ەلوردانىڭ جوعارى وقۋ ورىندارىندا كۇندىزگى بولىمدە وقيتىن مەكتەپ تۇلەكتەرىنىڭ مىنا ساناتتارىنا: جەتىم بالالارعا، بالالار ءۇيىنىڭ تۇلەكتەرىنە، اتا-انا قامقورلىعىنسىز قالعاندارعا، كوپبالالى وتباسىدان شىققان بالالارعا، ونىڭ ىشىندە بيىل كامەلەت جاسىنا كۇندىزگى بولىمىنە تۇسكەنگە دەيىن كامەلەت جاسىنا تولىپ قويعان ءۇيدىڭ ۇلكەندەرىنە دە الەۋمەتتىك كومەك بەرىلەدى»، - دەدى ايگۇل تالاسوۆا.
ونىڭ سوزىنشە، مۇنداي كومەك الاتىن بالانىڭ وتباسىندا جان باسىنا شاققانداعى ورتاشا تابىس ەڭ تومەنگى كۇنكورىس دەڭگەيىنىڭ 4 ەسەلەنگەن مولشەرىنەن اسپاۋ كەرەك. مۇنى اقشاعا شاقساق، 213240 تەڭگە دەگەن ءسوز. الەۋمەتتىك كومەك ءتيىستى وقۋ ورنىنداعى وقۋ اقىسىنىڭ ناقتى مولشەرى كولەمىندە، بيىلعى جەرگىلىكتى بيۋجەتتە قاراستىرىلعان قاراجات شەگىندە تولەنەدى. بيىل ەلوردا بيۋجەتىندە وسى ساناتقا جاتاتىن 185 مەكتەپ تۇلەگىنە الەۋمەتتىك كومەك بەرۋ ءۇشىن 115 ميلليون تەڭگە قاراستىرىلعان.
