10:35, 16 - جەلتوقسان 2015 | GMT +5
اركتيكاداعى اۋا تەمپەراتۋراسى 115 جىلدىڭ ىشىندە ەڭ جوعارى كورسەتكىشكە جەتتى
استانا. قازاقپارات - اركتيكاداعى اۋا تەمپەراتۋراسى 1900 -جىلدان بەرى ەڭ جوعارى كورسەتكىشكە جەتتى، دەلىنگەن ا ق ش مۇحيت جانە اتموسفەرالىق زەرتتەۋلەر ۇلتتىق باسقارماسىنىڭ (NOAA) جىل سايىنعى بايانداماسىندا.
زەرتتەۋلەرگە سايكەس، بۇل ايماقتاعى اۋا تەمپەراتۋراسى 2014 -جىلدىڭ قازان ايىنان باستاپ 2015 -جىلدىڭ قىركۇيەگى ارالىعىندا سەلسي بويىنشا ورتاشا كورسەتكىشتەردەن 1,3 گرادۋسقا جوعارى بولدى.
«اركتيكاداعى جىلىمىق الەمنىڭ باسقا جەرلەرىنەن ەكى ەسە تەز ءجۇرىپ جاتىر»، - دەپ ءمالىم ەتتى NOAA عالىمى ريك سپينرەد.
«ءبىز سونداي- اق اركتيكادا بولىپ جاتقان جاعدايدىڭ اركتيكامەن عانا شەكتەلمەيتىنىن ءبىلىپ وتىرمىز»، - دەپ اتاپ ءوتتى ول.
باياندامادا مۇزدىڭ ەرۋى مورجداردىڭ تىرشىلىك ەتۋ ورتاسىنىڭ جويىلۋىنا جانە بالىقتاردىڭ كەيبىر تۇرلەرىنىڭ سولتۇستىككە قاراي جىلجۋىنا اكەلىپ سوقتىراتىنى جازىلعان.
بۇعان دەيىن اركتيكاداعى مۇزدىڭ اۋدانى 35 جىلدىڭ ىشىندە ەكى ەسە قىسقارعانى حابارلانعان ەدى.
