وسكەمەندە ءال- فارابيدىڭ 1150 جىلدىعىنا وراي كورمە اشىلدى
«بيىل ءال- فارابيدىڭ 1150, حاكىم ابايدىڭ 175 جىلدىق مەرەيتويلارىن ەل بولىپ اتاپ وتۋدەمىز. بۇل كورمەگە عۇلامانىڭ ومىرىنەن سىر شەرتەتىن تۋىندىلار قويىلعان. فيلوسوفتىڭ وي- تۇجىرىمى ءبىزدىڭ ۇلتتىق بولمىسىمىزدىڭ ءتۇپ قازىعى دەسەك ارتىق ايتقاندىق ەمەس. مادەني شارالار ءالى دە جالعاسىن تاپپاق» ، - دەيدى مۋزەي ديرەكتورى بەكايىم ۇيابايەۆا.
شارا بارىسىندا وڭىردەگى وقۋ وردالارىنىڭ وقىتۋشىلارى مەن ماگيسترانتتارى ءال- فارابي تۋرالى بايانداما جاساپ، وي ءبولىستى. سونداي- اق كورمەگە جيىلعاندار ايگىلى ويشىلدىڭ عىلىم كەڭىستىگىندەگى كوكجيەگىنىڭ كەڭدىگىن اشۋ ماقساتىندا س. ماحانبەتوۆتىڭ «ءابۋ ناسىر ءال- فارابي» تۋىندىسى بويىنشا چەللەندج وتكىزدى.
«ءال- فارابي ادام بالاسىنىڭ دۇنيەتانىمى جايلى تەرەڭىنەن زەرتتەپ- زەردەلەگەن عۇلاما. ونىڭ ارتىندا قالعان مول مۇراسى ەشقاشاندا وزەكتىلىگىن جوعالتپايدى. سوندىقتان وسىنداي شارالار جاستارعا قاجەت. سەبەبى ۇلى تۇلعالارىمىزدى ۇمىتپاي، قاستەرلەۋ وسكەلەڭ ۇرپاقتىڭ مىندەتى دەپ ەسەپتەيمىن» ، - دەيدى جاس جۋرناليست تاۋنار قايرات.
