يزميردە ءزىلزالادان قازا تاپقانداردىڭ سانى 114 ادامعا جەتتى
يزمير. انادولى- قازاقپارات - يزميردەگى ءزىلزالا قۇرباندارىنىڭ سانى 114 ادامعا جەتتى. بۇل تۋرالى تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە سالدارىن جويۋ باسقارماسى (AFAD) مالىمدەدى، دەپ حابارلايدى قازاقپارات.
باسقارمانىڭ مالىمەتىنشە، 30-قازانداعى جەر سىلكىنىسىنەن كەيىن جالپى سانى 1713 افتەرشوك تىركەلگەن. ءزىلزالا سالدارىنان 114 ادام قازا بولىپ، 1035 ادام جاراقات العان. ونىڭ 898 ى مەديتسينالىق كومەك كورسەتىلگەن سوڭ ۇيىنە جىبەرىلگەن، 137 ءسى ەمدەلىپ جاتىر. يزميردەگى 17 عيماراتتىڭ 15 ىندە ىزدەۋ- قۇتقارۋ جۇمىستارى اياقتالدى. قۇتقارۋشىلار قالعان 2 عيماراتتا ءجۇمىسىن جالعاستىرۋدا. ەسكە سالا كەتەيىك، 29-قازاندا يزمير پروۆينتسياسى ەگەي تەڭىزىنىڭ جاعالاۋىندا ماگنيتۋداسى 6,6 بالدىق جەر سىلكىنىسى بولعان ەدى.
