قىتاي اۋەجايىندا 113 جولاۋشىسى بار ۇشاق ورتەندى - ۆيدەو

ۇشاقتا 113 جولاۋشى مەن 9 ەكيپاج مۇشەسى بولعان، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

بۇل تۋرالى اۋەجاي حابارلاماسىندا ايتىلعان. 113 جولاۋشى مەن 9 ەكيپاج مۇشەسى ەۆاكۋاتسيالاندى، زارداپ شەككەندەر بار. حابارلاماعا سايكەس، 12-مامىردا جەرگىلىكتى ۋاقىت بويىنشا ساعات 08:09-دا Tibet Airlines كومپانياسىنىڭ 122 جولاۋشىسى مەن ەكيپاجى بار ۇشاعى ۇشۋ- قونۋ جولاعىنان سىرعىپ شىعىپ، ورتەنىپ كەتكەن.

وقيعا قىتايدىڭ وڭتۇستىك-باتىسىنداعى چۇڭچيڭ قالاسىنداعى «جيانبەي» حالىقارالىق اۋەجايىندا بولدى. بارلىق 113 جولاۋشى مەن 9 ەكيپاج مۇشەسى قاۋىپسىز جەرگە شىعارىلدى. جاراقات العان 40-تان استام جولاۋشى ەم الۋ ءۇشىن قالالىق اۋرۋحانالارعا جەتكىزىلدى.

قازىرگى ۋاقىتتا چۇڭچيڭ جيانبەي حالىقارالىق اۋەجايىندا ۇشۋ- قونۋ رەيستەرى قالىپتى جاعدايعا ورالدى. وقيعانىڭ سەبەبى انىقتالۋدا.