وسكەمەندە قوعامدىق ورىنداردا ماس بولىپ جۇرگەن 113 ادامعا ايىپپۇل سالىندى
قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، 10-20-تامىز ارالىعىندا ءتارتىپ ساقشىلارى «ەسەپ» جەدەل الدىن الۋ شاراسىن جۇرگىزگەن. مۇنداعى ماقسات - ەسەپتە تۇرعان ازاماتتاردىڭ زاڭ بۇزۋىنا جول بەرمەۋ، وتباسىلىق جانە تۇرمىستىق قاتىناستار سالاسىنداعى قىلمىستىڭ الدىن الۋ.
سونداي-اق پوليتسەيلەر ىشىمدىككە تاۋەلدىلىگى بار ادامداردى تەكسەردى.
«10 كۇن ىشىندە 317 قۇقىق بۇزۋشىلىق انىقتالدى. ونىڭ ىشىندە ەڭ كوپ تىركەلگەنى - الكوگولدى ىشىمدىك ءىشىپ، قوعامدىق ورىنداردا ماس كۇيدە ءجۇرۋ. وسىنداي 113 فاكتى تىركەلىپ، ولار ق ر ا ق ب ت ك-نىڭ 440-بابىمەن جاۋاپقا تارتىلدى»، - دەلىنگەن اقپاراتتا.
سونداي-اق قوعامدىق ورىنداردى لاستاعان 59، تىنىشتىقتى بۇزعان 51، قازاقستان رەسپۋبليكاسىندا تىركەۋسىز نەمەسە جەكە باسىن كۋالاندىراتىن قۇجاتتارسىز تۇرعان 38 جانە وتباسىلىق- تۇرمىستىق قاتىناستار سالاسىندا زاڭسىز ارەكەتكە جول بەرگەن 24 ادام انىقتالدى.