كوروناۆيرۋس جۇقتىرعان 113 مەديتسينا قىزمەتكەرى ءبىر جولعى تولەم الدى - ەڭبەك مينيسترلىگى
بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى ءمالىم ەتتى.
باسپا ءسوز مالىمەتتەرىنە قاراعاندا، اتالعان تولەماقى الۋعا قۇقىعى بار مەديتسينا قىزمەتكەرلەرىن وبلىستاردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارىنداعى ارنايى كوميسسيالار اۋرۋ جۇقتىرۋىن تەكسەرۋ ناتيجەلەرى بويىنشا انىقتايدى. بارلىق وتىنىمدەردى قازاقستان رەسپۋبليكاسى دەنساۋلىق ساقتاۋ مينيسترلىگى (بۇدان ءارى - د س م) جيناقتايدى.
ق ر دەنساۋلىق ساقتاۋ مينيسترلىگىنەن (د س م) مىندەتتى الەۋمەتتىك ساقتاندىرۋ قورىنا (م ءا م س ق) الەۋمەتتىك تولەم جاساۋ تۋرالى 123 ءوتىنىم كەلىپ ءتۇستى. وڭىرلەر بويىنشا ەڭ كوپ وتىنىمدەر الماتى قالاسىنان (46)، الماتى (38) جانە سولتۇستىك قازاقستان وبلىستارىنان (10) كەلىپ ءتۇستى.
قالعان 10 ءوتىنىم بويىنشا دەرەكتەردى دسم قوسىمشا تەكسەرۋدە. ناقتىلانعان مالىمەتتەردى ۇسىنعاننان كەيىن بۇل مەديتسينا قىزمەتكەرلەرىنە دەرەۋ تولەم تاعايىندالادى.
ەستەرىڭىزگە سالا كەتەيىك، ق ر ەڭبەك جانە حالىقتى الەۋمەتتىك قورعاۋ ءمينيسترى مەن ق ر دەنساۋلىق ساقتاۋ ءمينيسترىنىڭ 9- ساۋىردەگى «دەنساۋلىق ساقتاۋ ۇيىمدارىنىڭ COVID-19 كوروناۆيرۋستىق ينفەكتسياسىنا قارسى كۇرەس جونىندەگى ەپيدەمياعا قارسى ءىس-شارالارعا تارتىلعان قىزمەتكەرلەرى اتالعان ينفەكتسيانى جۇقتىرعان نەمەسە ودان قايتىس بولعان جاعدايدا ولارعا ءبىرجولعى الەۋمەتتىك تولەمدى جۇزەگە اسىرۋ قاعيدالارىن بەكىتۋ تۋرالى» بىرلەسكەن بۇيرىعىنا اعىمداعى جىلدىڭ 22- شىلدەسىندە ەنگىزىلگەن وزگەرىستەرگە سايكەس جوعارىدا كورسەتىلگەن تولەم: - كوروناۆيرۋستىق ينفەكتسيا نەمەسە ۆيرۋستىق پنيەۆمونيا جۇقتىرعان مەديتسينا قىزمەتكەرلەرىنە - 2 ميلليون تەڭگە؛ - COVID-19 كوروناۆيرۋستىق ينفەكتسياسىن جۇقتىرعاننان، ۆيرۋستىق پنيەۆمونيامەن اۋىرىپ قايتىس بولعان جاعدايدا ولاردىڭ وتباسىنا - 10 ميلليون تەڭگە كولەمىندە تولەنەدى.
كوروناۆيرۋستىق ينفەكتسيادان، ۆيرۋستىق پنيەۆمونيادان مەديتسينا قىزمەتكەرىنىڭ قايتىس بولۋ جاعدايلارى بويىنشا م ءا س ق- قا وتىنىمدەر تۇسكەن جوق.
