سولتۇستىككە بيىل 113 وتباسى قونىس اۋداردى
ولاردىڭ ىشىندە ازىرگە ەكى وتباسى اقتوعاي اۋدانىنا قونىس اۋدارۋعا بارسا، قالعاندارى ونداعى جاعدايمەن تانىسىپ، مۇمكىندىكتەردى قاراستىرىپ الماق نيەتتە.
سارىاعاش اۋدانى اباي اۋلىنىڭ تۇرعىنى سەيدالى اشىربايەۆ وسىدان ءبىر اي بۇرىن اتالعان اۋدانعا بارىپ، ونداعى تىنىس-تىرشىلىكتى كوزبەن كورىپ قايتىپتى.
تۇرعىننىڭ ايتۋىنشا، اۋدان اۋىل شارۋاشىلىعىن دامىتۋعا سۇرانىپ تۇر. ەندىگى جەردە ول قولايلى اۋا رايى مەن قۇنارلى جەردى، ساقاداي ساي تەحنيكالاردى پايدالانىپ ەگىن ەگۋدى جوسپارلاپ وتىر.
سولتۇستىككە بەت بۇرعان ازاماتتاردى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى مۇحيت وتارشيەۆ باستاعان توپ شىعارىپ سالدى.
باسقارما باسشىسىنىڭ ايتۋىنشا، بيىلعى جىلى 113 وتباسى سولتۇستىككە كوشكەن. وبلىس تۇرعىندارى ەلىمىزدىڭ جۇمىس كوزى كوپ ايماقتارىنا قونىس اۋدارۋ شاراسى اياسىندا وتباسىلار سولتۇستىكتىڭ ايىرتاۋ، اقجار، جۇمابايەۆ، ەسىل جانە ءۋاليحانوۆ اۋداندارىنا بارىپ قونىستانادى.
تاڭدالعان پاۆلودار، قوستاناي، سولتۇستىك جانە شىعىس قازاقستان وبلىستارىنا كوشىپ بارعانداردىڭ ىشىندە وڭتۇستىك قازاقستاندىقتاردىڭ ۇلەسى باسىم، دەيدى باسقارما ماماندارى.
ولاردىڭ دەنى سوندا اۋىل شارۋاشىلىعى سالاسىن تۇلەتىپ وتىر.
ايتا كەتەيىك، وبلىستان سولتۇستىك ايماققا كوشۋگە نيەت بىلدىرگەندەر سانى كوبەيىپ كەلەدى. سالاعا «جاۋاپتىلار قونىس اۋدارعان ازاماتتار الدىمەن باسپانامەن قامتىلىپ، جۇمىسقا ورنالاستىرىلادى» دەيدى.
بيىل قونىس اۋدارعان وتباسىنىڭ ءاربىر مۇشەسىنە ايلىق ەسەپتىك كولەمىندە، ياعني شامامەن 80 مىڭ تەڭگە ءبىر رەتتىك كومەك بەرىلەدى. سونىمەن قاتار، ءبىر جىلعا دەيىن تۇراتىن ءۇيدىڭ جالداۋ اقىسى مەن كوممۋنالدىق تولەمدەرى وتەلەتىن بولادى.