بۇگىن 113- نوبەل سىيلىعىمەن ماراپاتتاۋ اپتالىعى اشىلادى
جاقىن كۇندەرى باسقا نوميناتسيالار بويىنشا سىيلىق لاۋرەتاتتارىنىڭ اتى- جوندەرى بەلگىلى بولماق. 7 - قازاندا شۆەدتەر استاناسى ستوكگولمدە فيزيكا جونىندەگى نوبەل كوميتەتىنىڭ، ال 8 - قازاندا حيميا جونىندەگى كوميتەتىنىڭ شەشىمدەرى جاريالانادى. 10 - قازاندا وسلودا الەم سىيلىعىنىڭ لاۋرەاتىنىڭ ەسىمى جۇرتشىلىققا پاش ەتىلمەك. شۆەتسيا بانكى 1968 - جىلى تاعايىنداعان «نوبەلدىڭ قۇرمەتىنە ەكونوميكا بويىنشا سىيلىقتىڭ» يەگەرى 13 - قازاندا انىقتالادى. نوبەل كوميتەتى ادەبيەت سالاسىنداعى سىيلىقتى تاعايىندايتىن شۆەد اكادەمياسى ازىرگە ماراپاتتاۋ ءراسىمىنىڭ قاشان وتەتىنىن ءمالىم ەتپەدى، ادەتتە ول قازان ايىنىڭ ءبىر بەيسەنبىسىنە جوسپارلاناتىن.
الفرەد نوبەل فيزيولوگيا جانە مەديتسينا بويىنشا لاۋرەاتتى تاڭداۋدى 1810 - جىلى اشىلعان جانە قازىرگى ۋاقىتتا الەمنىڭ جەتەكشى مەديتسينالىق ءبىلىم جانە عىلىم ورتالىقتارىنىڭ ءبىرى بولىپ تابىلاتىن ستوكگولمداعى كارولين ينستيتۋتىنا وسيەت ەتكەن ەدى. ونداعى نوبەل كوميتەتىنىڭ تۇراقتى بەس مۇشەسى بار، ولار ءوز كەزەگىندە كەڭەسۋ ءۇشىن بۇل ىسكە ساراپشىلاردى دا تارتا الادى.
نوبەل كوميتەتتەرىنىڭ ەشبىرى ازىرگە بۇل سىيلىقتى الۋعا ۇمىتكەرلەر تۋرالى ەشقانداي مالىمەتتى جاريا ەتپەدى.
