سەگىز ايدا 112 مىڭعا جۋىق ادام جۇمىسپەن قامتىلدى - دۇيسەنوۆا
«ۇستىمىزدەگى جىلدىڭ 8 ايىندا جۇمىسپەن قامتۋ باعدارلاماسىنىڭ اياسىندا 112 مىڭعا جۋىق ازاماتتى جۇمىسپەن قامتىدىق. ولاردىڭ 66,5 پايىزى - جۇمىسسىزدار، 22,4 پايىزى - ءوزىن- ءوزى جۇمىسپەن قامتىعان ازاماتتار. جالپى باعدارلاماعا قاتىسۋشىلاردىڭ ىشىنەن 81 مىڭ ازامات بۇگىنگى تاڭدا تۇراقتى جۇمىس ورنىنا ورنالاستىرىلىپ، جۇمىس بەرۋشىلەر تارابىنان الەۋمەتتىك جارنالار تولەنە باستادى»، - دەدى ول.
ءمينيستردىڭ ايتۋىنشا، بۇل كورسەتكىشتەر وتكەن جىلدارمەن سالىستىرعاندا ەداۋىر جوعارى بولىپ وتىر.
«ارينە، بيىلعى جىلعا بولىنگەن قاراجات سوماسىنا بۇل تىكەلەي بايلانىستى. ەگەر جىل باسىندا بەلگىلەنگەن سوما 37,8 ميلليارد تەڭگە بولسا، باقىتجان ءابدىر ۇلى، ءوزىڭىز اتاپ وتكەندەي، ەلباسىنىڭ ەڭبەك نارىعىنداعى تۇراقتىلىقتى ساقتاۋ ماقساتىندا جانە ەگەمەندىگىمىزدىڭ 25 جىلدىعىنا وراي ءاربىر ەلدى اباتتاندىرۋ تاپسىرماسىن ورىنداۋ ءۇشىن قوسىمشا 90,6 ميلليارد ءبولىندى. سونىمەن باعدارلاماعا 128,4 ميلليارد تەڭگە ءبولىنىپ، ونىڭ اياسىندا 14 مىڭنان استام جوبالار جۇزەگە اسىرىلۋدا»، - دەدى ت. دۇيسەنوۆا.
