اتا-انالىق بورىشىن تولەمەگەن 1125 ەلوردالىققا ەل اۋماعىنان شىعۋعا شەكتەۋ قويىلدى
«اۋداندىق پروكۋراتۋرادا اتالعان ساناتتاعى قىلمىستىق ىستەردىڭ تەرگەپ-تەكسەرۋى تالقىلانىپ، قولدانىلىپ جاتقان شارالاردىڭ تولىقتىعىن قامتاماسىز ەتۋ مەن اليمەنت تولەمدەرىن ءوندىرۋ ماقساتىندا ادىستەمەلىك نۇسقاۋ دايىندالدى. بۇگىنگى ۋاقىتتا، ۋاكىلەتتى ورگاندار 250 دەن استام بورىشكەردىڭ مەكەنجايىنا رەيدتىك جۇمىستار جۇرگىزىپ، 98 كىنالى تۇلعا اكىمشىلىك جاۋاپكەرشىلىككە تارتىلسا، سوت ورىنداۋشىلاردىڭ بورىشكەرلەردى قىلمىستىق جاۋاپقا تارتۋ جونىندە جولداعان 220 ۇسىنىسى الماتى اۋداندىق ىشكى ىستەر باسقارماسىنىڭ سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىنە تىركەلدى»، - دەلىنگەن اۋداندىق پروكۋراتۋرا تاراتقان اقپاراتتا.
پروكۋراتۋرا مالىمەتىنشە 1125 بورىشكەرگە قازاقستان رەسپۋبليكاسى اۋماعىنان شىعۋعا ۋاقىتشا شەكتەۋ قويىلدى، سونىمەن قاتار اقشالاي قاراجاتتارى بۇعاتتالدى. بۇل رەتتە، اتالعان جوبا اياسىندا 715 اتقارۋشىلىق وندىرىسپەن 130 ميلليون تەڭگەدەن استام قاراجات كامەلەتكە تولماعاندارعا ءوندىرىلدى. ادىلەت، ىشكى ىستەر ورگاندارى جانە پروكۋراتۋرامەن بىرلەسكەن بۇل باعىتتاعى جۇمىستار ودان ءارى جۇرگىزىلەدى جانە اۋداندىق پروكۋراتۋرانىڭ قاداعالاۋىندا.
اۆتور: مارلان جيەمباي
