ەلوردادا جىل سوڭىنا دەيىن 111 ءۇي سۇرىلەدى
بيىل جىلدىڭ سوڭىنا دەيىن 111 ءۇيدىڭ ءسۇرۋ جوسپارلانىپ وتىر. اپاتتى جاعدايداعى بۇل ۇيلەردە تۇراتىن 1700 وتباسىعا قالانىڭ باسقا اۋداندارىنان باسپانا ۇسىنىلىپ وتىر، دەپ مالىمدەدى ەلوردا اكىمدىگىنىڭ مەديا ورتالىعىنا تۇرعىن ءۇي باسقارماسى باسشىسىنىڭ ورىنباسارى اسحات ەلەۋجانوۆ.
جوبا بويىنشا سۇرىلۋگە نەگىزىنەن توزىعى جەتكەن، وتكەن عاسىردىڭ 40-70-جىلدارى سالىنعان ۇيلەر جىبەرىلەدى.
باسقارما وكىلىنىڭ سوزىنشە، بۇل ۇيلەردە تۇرۋ تۇرعىنداردىڭ ءومىرى مەن دەنساۋلىعىنا قاۋىپتى. قاناتقاقتى جوبانىڭ شارتىنا سايكەس، اپاتتى باسپانانىڭ ورنىنا پاتەر يەسىنە قالانىڭ باسقا اۋماعىنان ءدال سول پاتەردىڭ اۋدانىنا سايكەس باسپانا بەرىلەدى.
تۇرعىن ءۇي باسقارماسىنىڭ وكىلى بۇل جاعدايدا جاڭا باسپانا بەرىلگەندە تۇرعىن ءۇيدىڭ بولمەسى مەن وتباسى مۇشەلەرىنىڭ سانى ەسەپكە الىنبايدى. تەك تۇرعىن ءۇيدىڭ جالپى اۋدانى عانا ەسكەرىلەدى.
2013-جىلدان بەرى ەلوردادا 117 اپاتتى جاعدايداعى ءۇي كۇرەلىپ، 1500 وتباسى جاڭا ورىنعا قونىستاندى.
«بۇگىنگى تاڭدا ەلوردانىڭ كەيبىر تۇرعىندارىندا توتەنشە جاعدايدا تۇرعان اپاتتى ۇيلەردى ءسۇرۋ جۇمىسى الداعى ەكسپو كورمەسىمەن بايلانىستى دەگەن جاڭساق پىكىر بار. نەگىزىندە ول جوباعا سايكەس اعىمداعى جۇمىس.
2017-جىلدىڭ سوڭىنا دەيىن استانادا 1700 وتباسى تۇراتىن 111 اپاتتى ءۇيدى ءسۇرۋ كوزدەلىپ وتىر»، - دەدى ا. ەلەۋجانوۆ.
