سەمەيدەگى كاسىپكەر قۇجاتسىز ويىنشىق يمپورتتاعانى ءۇشىن 111 رەت ايىپپۇل تولەگەن

استانا. قازاقپارات - ق ر ۇ ە م تۇتىنۋشىلاردىڭ قۇقىعىن قورعاۋ كوميتەتى كامەرالدىق باقىلاۋ ناتيجەسى بويىنشا شارتتى شىعارۋ رەجىمىندە سايكەستىكتى باعالاۋ ءراسىمى جوق كەڭ قولدانىستاعى تاۋارلاردى، ياعني ەشبىر سەرتيفيكاتسىز جانە دەكلاراتسياسىز بالالار ويىنشىقتارىن، ازىق-تۇلىك ونىمدەرىن يمپورتتاۋعا قاتىستى 32 دەرەكتى انىقتادى.
None
None

بۇل تۋرالى ۆەدومستۆونىڭ باسپا ءسوز قىزمەتى حابارلايدى.

سەرتيفيكاتسيا جاسالماعان تاۋارلار تەحنيكالىق رەتتەمەلەردىڭ تالاپتارىنا سايكەس كەلمەيدى، سوندىقتان تۇرعىنداردىڭ ءومىرى مەن دەنساۋلىعىنا قاۋىپ توندىرەدى، دەلىنگەن حابارلامادا.

زاڭنامانى بۇزۋشىلاردىڭ ءتىزىمى كوميتەتتىڭ سايتىندا كامەرالدىق باقىلاۋ بولىمىندە جاريالانعان.

«ەڭ كوپ زاڭ بۇزۋشىلاردىڭ اراسىندا شىعىس قازاقستان وبلىسى سەمەي قالاسىنىڭ كاسىپكەرى ياروسلاۆ اندرەيەۆيچ كۋرباتوۆ بار. ول تاۋاردى كىرگىزىپ، شارتتى تۇردە شىعارىلعان تاۋارلاردى (بالالار ويىنشىقتارى) ءوز بەتىنشە ساۋدالاپ كەلگەن. وسىعان وراي، شىعىس قازاقستان وبلىستىق مەملەكەتتىك كىرىستەر دەپارتامەنتى 111 رەت اكىمشىلىك جاۋاپقا تارتتى (2015 -جىلى 55 رەت جانە 2016 -جىلى 56 رەت اكىمشىلىك ايىپپۇل تولەدى)»،- دەپ كورسەتىلگەن حابارلامادا.

سوڭعى جاڭالىقتار