ەردوعاننىڭ باستى قارسىلاسى 110 جىلعا باس بوستاندىعىنان ايىرىلۋى مۇمكىن
باسىلىمنىڭ شولۋشىسى بارىش تەركوعلۋدىڭ مالىمەتىنشە، دەپۋتاتتىق مانداتىنان ايىرىلعان كىلىچداروعلۋ تاياۋ كۇندەرى تۇتقىندالۋى مۇمكىن. ءىس انكارا پروكۋراتۋراسىنا جىبەرىلگەن.
«كىلىچداروعلۋ 110 جىلعا دەيىن تۇرمەگە قامالۋى مۇمكىن. وعان ساياسي قىزمەتتەرگە تىيىم سالىنۋى مۇمكىن»، - دەلىنگەن حابارلامادا.
كىلىچداروعلۋدىڭ ادۆوكاتى دجەلال چەليكتىڭ ايتۋىنشا، ساياساتكەرگە قارسى 28 ءىس قوزعالعان. كوپ جاعدايدا پرەزيدەنت رەجەپ تايىپ ەردوعان سەبەپكەر بولعان. سونىمەن قاتار، كوپتەگەن سوت ءىسى بويىنشا ساياساتكەر 4 جىلعا دەيىن، ال جالپى العاندا بارلىق سوت ءىسى بويىنشا 110 جىلعا باس بوستاندىعىنان ايىرىلۋى مۇمكىن.
كىلىچداروعلۋ ءوزىنىڭ جەڭىلگەنىن مويىندايتىنىن نەمەسە داۋىس بەرۋ ناتيجەلەرىنە قارسى شىعاتىنىن مالىمدەگەن جوق. ءبىراق ول دەموكراتيا ءۇشىن كۇرەستى تۇركيادا «ءسوزدىڭ شىن ماعىناسىندا» جۇزەگە اسىرىلمايىنشا جالعاستىراتىنىنا سەندىردى.
ەسكە سالا كەتەيىك، ساياساتكەر پرەزيدەنتتىك سايلاۋدىڭ ەكىنشى تۋرىندا 47,82 پايىز داۋىس جيناپ، ەردوعاننان جەڭىلىپ قالعان ەدى.
