فيليپپيندەگى تابيعات اپاتىنان 110 ادام قازا تاپتى

تاۋەكەلدەردىڭ الدىن الۋ جانە تابيعي اپاتتاردى جويۋ جونىندەگى ۇلتتىق كەڭەستىڭ سەيسەنبىدە جاريالانعان ەسەبىنە سايكەس، 110 ادام اپاتتىڭ قۇربانى بولدى، دەپ حابارلايدى قازاقپارات تاسس-قا سىلتەمە جاساپ.

ۆەدومستۆونىڭ مالىمەتىنشە، قونىس اۋدارعان 865,9 مىڭ ادام 2,72 مىڭ ەۆاكۋاتسيالىق ورتالىققا ورنالاستىرىلدى. 347,4 مىڭنان استام ادام ۇيلەرىن الدىن الا تاستاپ كەتكەن. كەم دەگەندە 101 ادام ءتۇرلى جاراقات الىپ، 33 ى حابار-وشارسىز كەتتى.

داۋىل 5,03 مىڭ ۇيگە زاقىم كەلتىرىپ، 55 ينفراقۇرىلىمدىق نىسانعا 760,3 ميلليون پەسو ($13,04 ميلليون) شىعىن اكەلگەن. اپات سالدارىنان 422 جول مەن 101 كوپىر زاقىمدالدى. 294 قالادا ەلەكتر سىمدارى ۇزىلگەن.

670 وقۋ ورنىندا ساباق جانە 230 كاسىپورىندا جۇمىس توقتاتىلدى. 160 قالا مەن مۋنيتسيپاليتەتتە اپات رەجيمى ساقتاۋلى. اۋىل شارۋاشىلىعىنا كەلتىرىلگەن شىعىن 1,3 ميلليارد پەسوعا ($22,37 ميلليون) باعالانادى. ۇكىمەت كومەك كورسەتۋگە 50,3 ميلليون پەسو ($865,8 مىڭ) ءبولدى.