قازاقستاندا جىل باسىنان بەرى بالا جوعالۋىنا بايلانىستى 110 ءىس قوزعالعان
«2019 -جىلدىڭ 1 -قاڭتارىنان 30 -ساۋىرىنە دەيىن ىشكى ىستەر ورگاندارى كامەلەتكە تولماعان تۇلعالاردىڭ ءىز-ءتۇزسىز كەتۋىنە قاتىستى 114 ءىس اشقان. 2018 -جىلدىڭ وسى كەزەڭىندە 121 ءىس اشىلعان ەدى»، - دەيدى ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپتەر جونىندەگى كوميتەتىنىڭ وكىلدەرى.
2018 -جىلى جالپى 407 ىزدەستىرۋ ءىسى، 2017 -جىلى 504 ىزدەستىرۋ ءىسى اشىلعان.
«2019 -جىلدىڭ 1 -قاڭتارىنان 30 -ساۋىرىنە دەيىنگى ارالىقتا 118 ءىس توقتاتىلدى. ونىڭ ىشىندە وتكەن جىلداردا اشىلعاندارى دا بار. سول 118 ءىستىڭ 117 سى ىزدەستىرىلگەن تۇلعانىڭ قايدا ەكەنى انىقتالۋىنا بايلانىستى، بىرەۋى دەنەسىن تانۋعا بايلانىستى توقتاتىلدى. 2018 -جىلدىڭ وسى كەزەڭىندە دە 118 ءىس توقتاتىلعان. ونىڭ دا تۋرا 117 سى ىزدەستىرىلگەن تۇلعانىڭ قايدا ەكەنى انىقتالۋىنا، قالعان بىرەۋى ەسكىرۋ مەرزىمى جەتۋىنە بايلانىستى»، - دەيدى باس پروكۋراتۋرا وكىلدەرى.
بىلتىر ىزدەۋ سالىنعان بالالاردىڭ ۇشەۋى قايتىس بولعان. ولاردىڭ دە تۋعان-تۋىستارى ۇشەۋىنىڭ دەنەسىن تانىعان.
«2018 -جىلدىڭ 12 ايىندا 413 ءىس (وتكەن جىلداردا اشىلعاندارىن قوسقاندا) توقتاتىلدى. سونىڭ 406 سى تۇرعان جەرىنىڭ انىقتالۋىنا، 4 ەۋى ەسكىرۋ مەرزىمىنىڭ جەتۋىنە، 3 ەۋى دەنەسىن تانۋعا بايلانىستى توقتاتىلعان. 2017 -جىلى 514 ءىستىڭ 502 سى تۇرعان جەرىنىڭ انىقتالۋىنا، 3 ەۋى مەرزىمىنىڭ جەتۋىنە، تاعى ۇشەۋى سوت قايتىس بولعان دەپ تانۋىنا، 6 اۋى دەنەسىن تانۋعا بايلانىستى توقتاتىلعان»، - دەيدى باس پروكۋراتۋرا وكىلدەرى.
اۆتور: ازامات سىزدىقبايەۆ