قاڭتار وقيعاسى. 1100 دەن استام ادامعا سوت ۇكىمى شىعارىلدى

سەناتور «راقىمشىلىق جاساۋ تۋرالى» زاڭ جوباسىنا قاتىستى ءتۇسىندىردى.

سىزدەردىڭ قاراۋلارىڭىزعا پارلامەنت دەپۋتاتتارى باستاماشىلىق جاساعان «راقىمشىلىق جاساۋ تۋرالى» زاڭ جوباسى ۇسىنىلادى. بۇل زاڭ جوباسى پرەزيدەنت قاسىم-جومارت توقايەۆتىڭ 2022 -جىلعى 1-قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىنداعى ىزگىلىك يدەياسىنىڭ نەگىزىندە يگى نيەتتىلىك تانىتىپ، قاڭتار وقيعالارىنا قاتىسۋشىلارعا ءبىر رەتتىك راقىمشىلىق جاساۋ تۋرالى تاپسىرماسىن ىسكە اسىرۋ ماقساتىندا ازىرلەندى. ۇسىنىپ وتىرعان زاڭ جوباسى - قاڭتار وقيعاسىنا كەزىندە جاسالعان قىلمىستار بويىنشا جاۋاپقا تارتىلاتىن ادامدارعا مەملەكەت پەن قوعام تاراپىنان گۋمانيزم مەن مەيىرىمدىلىك اكتىسى. تەرگەۋ ورگاندارى قاڭتار وقيعاسى كەزىندە قىلمىستىق قۇقىق بۇزۋشىلىق جاساعان 1600 دەي ادامدى انىقتاپ، ولاردى جاۋاپقا تارتۋدا، - دەپ اتاپ ءوتتى سەناتور.

سونىمەن قاتار ول قانشا ادامعا ۇكىم شىعارىلعانى تۋرالى ايتتى.

ونىڭ ىشىندە 1112 ادامعا سوت ۇكىمى شىعارىلدى. باسقالارىنىڭ ىستەرى تەرگەۋ ساتىسىندا. راقىمشىلىق سوتتا دا، تەرگەۋدە دە قولدانىلادى، - دەدى ءلاززات سۇلەيمەن.

BAQ. KZ