قىرعىزستان ءبىلىم ءمينيسترى العان 110 مىڭ دوللار پاراسىنىڭ 37 مىڭ دوللارىن قايتاردى
بۇل تۋرالى ەلدىڭ ءى ءى م باسپا ءسوز قىزمەتى ءمالىم ەتتى، دەپ حابارلايدى قازاقپارات كابار اگەنتتىگىنە سىلتەمە جاساپ.
تەرگەۋ بارىسىندا ءمينيستردىڭ شەتەلدىك ستۋدەنتتەردى وتاندىق جوعارى وقۋ ورىندارىنا قابىلداعانى ءۇشىن ءىرى كولەمدە پارا العانى انىقتالدى.
ول اتقارۋشى بيلىك ورگاندارىنىڭ نورماتيۆتىك قۇقىقتىق اكتىلەرىن قابىلداعاننان كەيىن جوعارى وقۋ ورنىنا قابىلداۋ ماسەلەسىن شەشۋگە ۋادە بەرگەن.
قاجەتتى قاۋلىنى دايىنداۋ ءۇشىن ول وسى ماسەلەنىڭ ءبارىن شەشۋگە 100000 دوللار كولەمىندە اقشا تالاپ ەتكەن.
تەرگەۋ بارىسىندا ول جوعارىدا اتالعان سومانى ءبىرىنشى رەت وسى جىلدىڭ 28- تامىزىندا العانى انىقتالدى.
وسىدان كەيىن ءبىراز ۋاقىتتان سوڭ ماسەلە ءالى تۇپكىلىكتى شەشىلمەگەندىكتەن وعان قايتادان جۇگىنگەن.
بۇل جولى مينيستر پارا رەتىندە قوسىمشا 10 مىڭ دوللار كولەمىندە اقشا بوپسالاعان.
ەسكە سالا كەتەيىك، 28- قىركۇيەكتە ونى ءى ءى م قىزمەتكەرلەرى 10 مىڭ دوللار الۋ كەزىندە ۇستادى.
ودان ءارى تەرگەۋ بارىسىندا ا. بەيشەناليەۆ شەتەلدىك ستۋدەنتتەردى وتاندىق جوعارى وقۋ ورىندارىنا قابىلداعانى ءۇشىن اسا ءىرى مولشەردە - 110 مىڭ ا ق ش دوللارى كولەمىندە پارا العانى انىقتالدى.
تەرگەۋ كەزىندە ول بۇرىن پارا تۇرىندە العان 37 مىڭ 500 ا ق ش دوللارىن قايتاردى. قالعان سومانى جاقىن ارادا قايتارۋعا ۋادە بەردى.
بۇل فاكتى بويىنشا تولىق جانە وبەكتيۆتى تەرگەۋ جۇرگىزىلەدى. ۇستالعان ادامعا قاتىستى پەرۆومايسكيي اۋداندىق سوتىنىڭ قاۋلىسىمەن مۇقك تەرگەۋ يزولياتورىنا قاماۋعا الۋ تۇرىندەگى بۇلتارتپاۋ شاراسى تاڭدالدى. تەرگەۋ امالدارى جالعاسۋدا.
فوتو: kabar.kg
اۆتور
اياۋلىم التىنبەك