قازاقستاندا اقىلى جولدار 11,7 مىڭ شاقىرىمعا جەتكىزىلەدى

استانا. قازاقپارات - بۇگىن ماجىلىستەگى ۇكىمەت ساعاتىندا ق ر ينۆەستيتسيالار جانە دامۋ ءمينيسترى جەڭىس قاسىمبەك الداعى 7 جىلدا 12 مىڭ شاقىرىمعا جۋىق جول اقىلى بولاتىنىن ايتتى، دەپ حابارلايدى قازاقپارات.

«2021 - جىلعا دەيىن اقىلى جولداردى 6,7 مىڭ شاقىرىمعا دەيىن ارتتىرۋ جوسپارلانىپ وتىر. ال 2025 -جىلعا قاراي اقىلى جولدار 11,7 مىڭ شاقىرىمعا جەتكىزىلمەك»، - دەپ ناقتىلادى ج. قاسىمبەك.

ايتا كەتەيىك، اقىلى جول ءبىراز ۋاقىتتان بەرى استانا مەن بۋراباي ارالىعىندا ەنگىزىلدى. ەندى باسقا دا رەسپۋبليكالىق ماڭىزداعى جولداردا اقىلى جۇيەنى ەنگىزۋ جۇمىستارى جۇرگىزىلۋدە. قازىرگى ۋاقىتتا الماتى- قورعاس، استانا- تەمىرتاۋ جانە الماتى- قاپشاعاي اۆتوجولدارىنىڭ ۋچاسكەلەرىندە اقى تولەۋ جۇيەسىن ەنگىزۋ جۇمىستارى اتقارىلىپ جاتىر. وسى جۇيە قىركۇيەك ايىندا تەستىلىك رەجىمدە ىسكە قوسىلماق.

 بۇدان بۇرىن حابارلانعانداي، اقىلى جولدارمەن جۇرەتىن جۇرگىزۋشىلەرگە RFID- تاڭبالارى تەگىن بەرىلەدى.

اۆتور: رۋسلان عابباسوۆ