قازاقستاندىق 11 جاسار ءانشى «گولوس. دەتي» جوباسىندا 3- ورىن يەلەندى

ساعىن ءومىرباي ۇلى — شىمكەنت قالاسىنىڭ تۋماسى.
اتالعان ءان سايىسىنىڭ سۋپەرفينالىنا 3 ۇمىتكەر شىعىپ، ءوزارا باق سىناستى.
جەرلەسىمىز ساعىن ءومىرباي ۇلى سۋپەرفينالدا «ەدينستۆەننايا مويا» ءانىن ورىندادى.
اقتىق سايىستا داۋىس بەرۋ ناتيجەسىندە 40,6 پايىزبەن 8 جاسار ادەليا زاگرەبينا «گولوس. دەتي» جوباسىنىڭ جەڭىمپازى اتاندى.
ەكىنشى ورىندى 32,2 پايىز داۋىسپەن 12 جاسار سوفيا ولارەسكو يەلەندى.
وتانداسىمىز 11 جاسار سايىن ءومىرباي ۇلى 27,2 پايىز داۋىس جيناپ جۇلدەلى ءۇشىنشى ورىنعا تۇراقتادى.
جاس ءانشى ساحنا تورىندە قولداۋ بىلدىرگەن بارشا جۇرتقا العىسىن ايتىپ، تالىمگەرى، بەلگىلى رەسەيلىك ءانشى پولينا گاگاريناعا دومبىرانى سىيعا تارتتى.
ەسكە سالا كەتسەك، بۇعان دەيىن اتالعان تەلەشوۋعا ورالدىق جاس ءانشى ەرجان ماكسيم قاتىستى .
سونداي- اق، الماتىلىق دانەليا تولەشوۆا «گولوس. دەتي» جوباسىنىڭ ۋكرايناداعى نۇسقاسىنا قاتىسىپ، جەڭىمپاز اتاندى .
اۆتور ءالي يبرايەۆ