11:03, 13 - ماۋسىم 2015 | GMT +5
مەملەكەتكە ساتقىندىق جاساعانى ءۇشىن 11 ادام، تىڭشىلىق ارەكەتى ءۇشىن 3 ادام سوتتالعان
استانا. قازاقپارات - بەلارۋس رەسپۋبليكاسىندا تاۋەلسىزدىك جىلدارى 3 ادام تىڭشىلىق ارەكەتى ءۇشىن، ال 11 ادام مەملەكەتكە ساتقىندىق جاساعانى ءۇشىن سوتتالعان.
بۇل مالىمەتتى مەملەكەتتىك قاۋىپسىزدىك كوميتەتىنىڭ ءتوراعاسى ۆالەري ۆاكۋلچيك جاريالادى. جانسىزعا قاتىستى سوڭعى ءىس وسى جىلدىڭ مامىرىندا شەتەلدىك بارلاۋ وفيتسەرىنىڭ ۇستىنەن قوزعالعان.
قولعا تۇسكەن ول قازىر تەرگەۋ يزولياتورىندا وتىر. سوڭعى ءبىر جىلدىڭ ىشىندە مەملەكەتكە ساتقىندىق جاسادى دەگەن ايىپپەن 4 ادام تۇرمەگە قامالعان. ساتقىندار ءتىپتى قىلمىستىق ارەكەتتەرىنە ايەلدەرىن دە ارالاستىرعان كورىنەدى. ولاردىڭ ءارقايسىسى 15 جىلعا ۇكىم الدى.
www.24.kz
