تارازدا 11 جاستاعى قىز بالانىڭ اسقازانىنان 1 كەلىدەن اساتىن شاش شىقتى

استانا. قازاقپارات - جامبىل وبلىسىندا دارىگەرلەر ەرەكشە جاعدايدىڭ كۋاسى بولدى. 11 جاستاعى قىز بالانىڭ اسقازانىنان 1 كەلىدەن اساتىن شاش شىققان، دەپ جازادى ك ت ك.

 كۇردەلى وتا ءساتتى ءوتتى. قازىر ناۋقاس اۋرۋحانادا ەم الۋدا.

قارشاداي قىزدىڭ اس قورىتۋ مۇشەسىنەن ۇزىندىعى 52 سم، سالماعى ءبىر كەلىدەن اساتىن ۇيىسكەن شاش شىققاندا ماماندار شالقاسىنان قۇلاي جازداعان. اكە- شەشەسى جاسوسپىرىمنىڭ اتىن اتاپ، ءتۇسىن تۇستەۋگە قارسىلىق بىلدىرۋدە. بەلگىلى بولعانى مەكتەپ وقۋشىسى شامامەن ەكى اي بۇرىن ءوزىن جايسىز سەزىنە باستاعان. ءىشى اۋىرىپ، تاماققا تابەتى قۇرىپتى. ءبىرقاتار تەكسەرۋدەن سوڭ، اعزاسىندا قاۋىپتى ىسىك بولۋى مۇمكىن دەگەن.

 الايدا، قورىتىندى ساراپتامادان كەيىن اسقازانىندا بەلگىسىز زاتتىڭ تۇرعانى انىقتالىپ، دەرەۋ وپەراتسيا جاسالدى. ىشەكتە مۇنشاما قىلدىڭ جينالۋىن شاش تىستەلەيتىن جامان ادەتتىڭ كەسىرى دەپ توپشىلاپ وتىر ماماندار.