ا ق ش-تاعى 11-قىركۇيەك قۇربانى 16 جىلدان كەيىن انىقتالدى
استانا. قازاقپارات - 2001 -جىلدىڭ 11 -قىركۇيەگى كۇنى دۇنيەجۇزىلىك ساۋدا ورتالىعىنا شابۋىل سالدارىنان قازا تاپقان ءبىر ەر ادامنىڭ كىم ەكەندىگى 16 جىلدان كەيىن انىقتالدى، دەپ حابارلادى سەيسەنبى كۇنى BBC News.
مەديتسينا قىزمەتكەرلەرى مەرت بولعان ازاماتتىڭ تۇلعاسىن د ن ق ارقىلى جاڭا تەحنولوگيالاردىڭ كومەگىمەن انىقتادى. ءبىراق ول تۋرالى اقپاراتتار ازىرگە تۋىسقاندارىنىڭ ءوتىنىشى بويىنشا جاريالانباي وتىر. وسى ۋاقىتقا دەيىن عيماراتتىڭ قۇلاۋى كەزىندە اجال قۇشقان 1112 ادامنىڭ تۇلعاسىن انىقتاۋ مۇمكىن بولماي كەلگەن، بۇل تەراكت قۇربانىنا اينالعانداردىڭ (2753) جالپى سانىنىڭ 40 پايىزىن قۇرايدى.
ەسكە سالا كەتسەك، لاڭكەستىك ۇيىمدار باعىتتاعان ەكى جولاۋشىلار ۇشاعىنىڭ سوعۋىنان كەيىن دۇنيەجۇزىلىك ساۋدا ۇيلەرىنىڭ ەكى بىردەي مۇناراسى قيراعان بولاتىن. تاعى ءبىر ۇشاق پەنتاگون عيماراتىنا سوعىلعان. سول كۇنى شامامەن ءۇش مىڭ ادام قازا تاپتى.
