تۇركىستاندا ورنالاساتىن «تۇران» ارنايى ەكونوميكالىق ايماعى 10 جىلدا قۇرىلادى

None
استانا. قازاقپارات - تۇركىستان وبلىسىندا قۇرىلاتىن «TURAN» ارنايى ەكونوميكالىق ايماعىنىڭ اۋماعى كەڭەيتىلمەك. بۇل تۋرالى اشىق تالقىعا شىعارىلعان ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.

«2043 -جىلعا دەيىنگى كەزەڭگە «TURAN» ارنايى ەكونوميكالىق ايماعى (ا ە ا) قۇرىلسىن. «TURAN» ارنايى ەكونوميكالىق ايماعى تۇركىستان وبلىسىنىڭ اۋماقتىق شەكاراسى شەگىندە، قوسا بەرىلىپ وتىرعان جوسپارعا سايكەس شەكارالاردا ورنالاسقان. ا ە ا اۋماعى قازاقستان رەسپۋبليكاسى اۋماعىنىڭ اجىراماس بولىگى بولىپ تابىلادى جانە 4622,39 گەكتاردى قۇرايدى. ا ە ا اۋماعىنىڭ قۇرامىنا 6 سۋبايماق: 861,75 گەكتار تاريحي ورتالىق، 1578,64 گەكتار اكىمشىلىك ىسكەرلىك ورتالىق، اۋماعى 1000 گەكتار، 35 گەكتار جانە 180 گەكتار ونەركاسىپتىك ايماقتار جانە 967 گەكتار اۋەجاي كىرەدى»، - دەپ جازىلعان اشىق ن ق ا پورتالىندا جاريالانعان ۇكىمەت قاۋلىسىنىڭ جوباسىندا.

ايتا كەتەيىك، اتالعان ايماقتى قۇرۋ تۋرالى شەشىم قابىلدانعان ۋاقىتتا ونىڭ جوبالىق اۋماعى 3987,39 گەكتار بولىپ بەكىتىلگەن. ەندى ول 4622,39 گەكتارعا دەيىن ۇلعايتىلماق.

سونىمەن قاتار ارنايى ەكونوميكالىق ايماق قىزمەتىنىڭ باسىم باعىتتارىنا دا وزگەرىس ەنگىزىلدى. ەندى اۋماقتا مىنا جۇمىستار اتقارىلادى:

- تۋريستەردى ورنالاستىرۋ ورىندارىن، ساناتوري جانە ساۋىقتىرۋ وبەكتىلەرىن مىناداي شارتتاردى ساقتاي وتىرىپ سالۋ جانە پايدالانۋعا بەرۋ: سالىنىپ جاتقان جانە پايدالانۋعا بەرىلەتىن وبەكتىلەردىڭ ويىن بيزنەسىمەن بايلانىستى ەمەس، سالۋ جانە پايدالانۋعا بەرۋ جوبالاۋ- سمەتالىق قۇجاتتاماعا سايكەس جۇزەگە اسىرىلادى؛

- جوبالاۋ- سمەتالىق قۇجاتتاماعا سايكەس، ينفراقۇرىلىم وبەكتىلەرىن، اكىمشىلىك جانە تۇرعىن ءۇي كەشەندەرىن سالۋ جانە پايدالانۋعا بەرۋ؛

- جوبالاۋ- سمەتالىق قۇجاتتاماعا سايكەس، اۋرۋحانالاردى، ەمحانالاردى، مەكتەپتەردى، بالاباقشالاردى، مۋزەيلەردى، تەاترلاردى، جوعارى جانە ورتا وقۋ ورىندارىن، كىتاپحانالاردى، وقۋشىلار سارايلارىن، سپورت كەشەندەرىن سالۋ جانە پايدالانۋعا بەرۋ؛

- جوبالاۋ- سمەتالىق قۇجاتتاماعا سايكەس وندىرىستىك جانە قايتا وڭدەۋ وبەكتىلەرىن سالۋ جانە پايدالانۋعا بەرۋ؛

- قۇرىلىس ماتەريالدارىن ءوندىرۋ؛

- وزگە مەتالل ەمەس مينەرالدى ونىمدەردى ءوندىرۋ؛

- دايىن مەتالل بۇيىمدارىن جاساۋ؛

- جيھاز بەن ينتەرەر بۇيىمدارىن جوندەۋ؛

- ەلەكتروندىق جانە وپتيكالىق جابدىقتى جوندەۋ.

قاۋلى- جوباسى 6-قىركۇيەككە دەيىن كوپشىلىك تالقىلاۋدا بولادى.


سوڭعى جاڭالىقتار