كەشىككەن اۋە رەيسى ءۇشىن بيلەت قۇنىنىڭ 10 پايىزىن قايتارىپ العان ءماجىلىس دەپۋتاتى تاجىريبەسىن ءبولىستى

استانا. قازاقپارات - ءماجىلىس دەپۋتاتى سامات مۇسابايەۆ ۇشاق كەشىگىپ ۇشاتىن بولسا، اۋە كومپانياسىنان بيلەت قۇنىنىڭ ءتيىستى بولىگىن قالاي قايتارىپ الۋعا بولاتىنىن ءتۇسىندىرىپ بەردى، دەپ حابارلايدى قازاقپارات ءماجىلىستىڭ باسپا ءسوز قىزمەتىنە سىلتەمە جاساپ.
None

ۇشاقپەن كەشىگىپ ۇشىپ، ءوزى تاجىريبەدەن وتكەن دەپۋتات سامات مۇسابايەۆ كومپانيانىڭ رەسمي سايتىنا كىرىپ، شاعىم قالدىرۋ ءۇش قادامدىق جۇمىس ەكەنىن ايتادى. ءۇش ساعاتتان استام ۋاقىت ءۇشىن بيلەت قۇنىنىڭ %10 سوماسىن قايتارىپ العان دەپۋتات ءبارىن رەتىمەن تۇسىندىرەدى.

ءبىرىنشى، كومپانيانىڭ رەسمي سايتىنا كىرەسىز. تىكەلەي سىلتەمە: help.airastana.com. وسى جەرگە تولىق اتى-ءجونىڭىزدى، بيلەت ءنومىرىن، رەيس ءنومىرىن، ۇشۋ ۋاقىتى قانشاعا كەشىككەنى جانە ەلەكتروندى پوشتاڭىزدى جازاسىز. شاعىم قالدىراسىز. ەكىنشى، [email protected] - تۇتىنۋشىلاردى قولداۋ بولىمىنەن جاۋاپ كەلەدى، «ءسىزدىڭ شاعىمىڭىز تىركەلدى» دەگەن جاۋاپ بولادى جانە قوسىمشا انكەتا جولدانادى. وسى انكەتاداعى سۇراقتارعا جاۋاپ بەرەسىز. اتى-ءجونىڭىز بەن اقشانى قايتارۋ ءۇشىن ەسەپشوت ءنومىرىڭىزدى جازاسىز.

ءۇشىنشى، «ءوتىنىشىڭىز بويىنشا تالاپ ەتكەن وتەماقى سوماسى ءسىزدىڭ شوتىڭىزعا جىبەرىلدى» دەگەن حابارلاما كەلەدى. وسىلايشا، ءسىز ءماجىلىس قابىلداعان زاڭنىڭ يگىلىگىن كورەسىز، - دەيدى دەپۋتات.

ايتا كەتسەك، بىلتىر ماجىلىستە «كولىك تۋرالى» زاڭ تالقىلانعاندا، دەپۋتاتتار سامات مۇسابايەۆ پەن ەدىل جاڭبىرشين وعان «تاسىمالداۋشى تاراپ ۇشاق، پويىز، اۆتوبۋس قۇرالدارىن كەشىكتىرگەن ءار ساعاتقا بيلەت قۇنىنىڭ %3 ىن وتەماقى رەتىندە قايتارۋى ءتيىس» دەگەن تۇزەتۋدى ۇسىنعان بولاتىن. دەپۋتاتتىڭ ايتۋىنشا، ۇشاق، پويىز نەمەسە اۆتوبۋس ءبىر ساعات كەشىكسە %3، ەكى ساعاتقا %6، وسىلايشا قوسىلا بەرەدى. ءتىپتى، بۇلاي جالعاسا بەرسە جولاۋشى بيلەت قۇنىن تولىق قايتارىپ الۋىنا دا مۇمكىندىك بار.

بۇل، ارينە، تاسىمالداۋشىلارعا ۇناعان جوق. الايدا، حالىققا كەرەك تۇزەتۋ، ەل ۇنەمى شاعىمداناتىن نارسە بولعان سوڭ سوزىمىزدەن تانباي، ايتقاننان قايتپادىق. اقىرى، ءماجىلىس زاڭعا تولىقتىرۋ ەنگىزدى، سەنات ماقۇلدادى، قاڭتار ايىندا پرەزيدەنت قول قويدى. ءسويتىپ، وسى جىلدىڭ باسىنان بەرى بۇل زاڭ كۇشىندە، - دەيدى سامات مۇسابايەۆ.

ماجىلىسمەن ءبىر رەيستەگى 180 جولاۋشىنىڭ اراسىنان كومپانياعا شاعىم ءتۇسىرىپ، وتەماقى تالاپ ەتەتىندەر از ەكەنىن دە ايتادى.

ەگەر، سول 180 ادامنىڭ ءارقايسىسى شاعىم جاساپ، كەم دەگەندە 8-9 مىڭ تەڭگەدەن وتەماقى الاتىن بولسا، سول كۇنى كەشىككەن ءبىر رەيس ءۇشىن شامامەن 1440000 تەڭگەدەي وتەماقى تولەگەن بولار ەدى... ءار رەيس ءۇشىن ءبىر جارىم ميلليون تولەپ وتىرۋ كىمگە ۇنايدى؟ كەلەسىدە كەشىكپەۋدى ۇيرەنەر ەدى،- دەيدى دەپۋتات.

سوڭعى جاڭالىقتار