استانادا 10 مىڭ اقىلى اۆتوتۇراق اشىلادى

بۇگىندە ونىڭ 7 جارىم مىڭى پايدالانۋعا بەرىلدى. بۇل تۋرالى استانا قالالىق كولىك جانە جول- كولىك ينفراقۇرىلىمىن دامىتۋ باسقارماسى باسشىسىنىڭ ورىنباسارى ەرجان ديحانبايەۆ ءمالىم ەتتى، دەپ حابارلايدى قازاقپارات ءتىلشىسى.
«مەملەكەتتىك-جەكەمەنشىك ارىپتەستىك شارتى اياسىندا قالادا 10 مىڭ اقىلى تۇراق ورىندارىن ىسكە قوسۋ جوسپارلانىپ وتىر. بۇگىندە 7500 اۆتوتۇراق ورنى ىسكە قوسىلدى. جوبانىڭ ماقساتى - جول بويىندا كولىكپەن ايالداۋ ەرەجەلەرىنىڭ بۇزىلۋىن ازايتۋ، اقىلى تۇراق ايماقتارىندا كولىك قۇرالدارىنىڭ بارلىق تۇرلەرىنىڭ قوزعالىس جىلدامدىعىن جانە تۇراق ورىندارىنىڭ اينالىمىن ارتتىرۋ. سونىمەن قاتار، اۆتوتۇراققا قويمايتىن كولىكتەردىڭ سانىن قىسقارتۋ جانە تۇرعىنداردى قوعامدىق كولىكتى پايدالانۋعا ىنتالاندىرۋ»، - دەدى ەرجان ديحانبايەۆ قالالىق ءماسليحاتتىڭ قوعامدىق كەڭەس وتىرىسىندا.
ايتا كەتسەك، ەلوردادا اتالعان جوبا 2018-جىلدان باستاپ «استانا قالاسىنىڭ اقىلى تۇراق كەڭىستىگىن قۇرۋ، پايدالانۋ جانە باسقارۋ» مەملەكەتتىك-جەكەمەنشىك ارىپتەستىك شارتى اياسىندا ىسكە اسىرىلىپ كەلەدى. وعان «استانا تۇراق كەڭىستىگى» جاۋاپكەرشىلىگى شەكتەۋلى سەرىكتەستىگى جاۋاپتى.