اۋستراليادا اۆتوبۋس اۋدارىلىپ، 10 ادام قازا تاپتى
اۆتوبۋس جولاۋشىلارى جەكسەنبى كۇنى كەشكە شاراپ جاسايتىن ەلدى مەكەندەگى تويدان قايتىپ كەلە جاتقان.
كولىك جاڭا وڭتۇستىك ۋەلس شتاتىنداعى حانتەر- ۆەللي وڭىرىندە گرەتا قالاسى ماڭىنداعى ۋاين- كاۋنتي- درايۆتا اۋدارىلعان.
پوليتسيا قىزمەتكەرلەرىنىڭ ايتۋىنشا، وقيعانىڭ جاي- جاپسارى تەكسەرىلىپ جاتىر. 58 جاستاعى اۆتوبۋس ايداۋشى ۇستالدى.
اپات جەرگىلىكتى ۋاقىتپەن 23:30 شاماسىندا بولعان. اۆتوبۋس تاسجولدان اينالما جولعا بۇرىلىس كەزىندە اۋدارىلعان.
جەرگىلىكتى پوليتسيا وكىلىنىڭ سوزىنشە، قازا بولعاندار سانى ارتۋى مۇمكىن. 25 جولاۋشى اۋرۋحاناعا جەتكىزىلدى، ولاردىڭ ەكەۋىن ۇشاقپەن اكەتكەن.
اۆتوبۋس ءالى دە اۋدارىلعان كۇيى جاتىر، ونىڭ استىندا ادامدار بولۋى مۇمكىن. وقيعا ورنىنا اۆتوبۋستى كوتەرۋ ءۇشىن كران جىبەرىلەدى.
پوليتسيا وكىلدەرى اپات بولعان كەزدە وسى اۋداندا قالىڭ تۇمان بولعانىن اتاپ ءوتتى.
اۆتور:
بالنۇر قوجاگەلدى
