بيىل بۇقتىرما سۋ قويماسى 10 جىل بولماعان رەكوردتى دەڭگەيگە تارتىلعان
دەپۋتاتتىڭ ايتۋىنشا، 2019 -جىلدان بەرى قازاقستاندا كاسكادتى تارتىپتە جۇمىس ىستەۋ ەرەكشەلىكتەرىنە بايلانىستى ستراتەگيالىق گيدروەلەكترستانتسيالاردى پايدالاناتىن سۋبەكتىلەر ارەكەتتەرىنىڭ ءبىرىڭعاي قۇقىقتىق الگوريتمى بولماعان. ەرتىس وزەنىندەگى سۋ ەلەكتر ستانتسيالارىندا سۋ تۇتىنۋ بولجامىن جاساۋعا قاجەت اقپارات جوق. وسىعان بايلانىستى جۇمىسى ەكونوميكانىڭ ساباقتاس سالالارىنىڭ مۇددەلەرىن قوزعايتىن سۋ ەلەكتر ستانتسيالارىنىڭ جۇمىس ىستەۋ ەرەكشەلىكتەرى ەسكەرىلمەيدى.
و. بۋلاۆكينا ايتۋىنشا، ەرتىس سەس كاسكادىن پايدالانۋ اسپەكتىلەرىن رەتتەيتىن نورماتيۆتىك- قۇقىقتىق اكتىلەردىڭ بولماۋى سۋ تاسقىنى جانە سۋ تارتىلعان كەزەڭدە تەرەڭ ەكولوگيالىق زارداپقا نەمەسە توتەنشە جاعدايعا اكەلۋى مۇمكىن.
«بيىل سۋ جاعالاۋدان 50-70 مەترگە شەگىندى، بۇل 2012 -جىلدان بەرى بايقالماعان سۋ دەڭگەيىنىڭ رەكوردتىق كورسەتكىشى»، - دەدى سەناتور.
دەپۋتات بۇل جاعداي بىرنەشە ساباقتاس سالانىڭ ماسەلەسىن قوزعايتىنىن ەسكەرە وتىرىپ، گيدروتەحنيكالىق قۇرىلىستاردىڭ قاۋىپسىزدىگىن رەتتەۋدىڭ قۇقىقتىق جۇيەسىن ازىرلەۋدى، ازاماتتاردى تازا اۋىزسۋمەن قامتاماسىز ەتۋگە، اگروونەركاسىپ كەشەنىن دامىتۋعا باعىتتالعان ءبىرقاتار باعدارلامالىق قۇجاتتاردى ىسكە اسىرۋ بويىنشا شەشىم جاساۋدى ۇسىندى.
شىعىس قازاقستان وبلىسىنداعى بۇقتىرما سۋ قويماسى جىل سايىن تارتىلىپ وتىرعانىن بۇدان بۇرىن حابارلاعان بولاتىنبىز.
