سولتۇستىك قازاقستاندا سوڭعى 10 جىلداعى ەڭ ءىرى ەسىرتكى پارتياسىن تاركىلەدى

پەتروپاۆل. قازاقپارات - سولتۇستىك قازاقستان وبلىسىندا پوليتسەيلەر جەدەل- ىزدەستىرۋ ءىس- شارالارى بارىسىندا اسا ءىرى مولشەردەگى ماريحۋانا پارتياسىن تاركىلەدى، دەپ حابارلايدى قازاقپارات ءتىلشىسى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، سولتۇستىكقازاقستاندىق ءتارتىپ ساقشىلارى ەسىرتكى جەتكىزۋ ارناسىنىڭ جولىن كەستى.

كۇدىكتىلەردى ەسىرتكى قىلمىسىنا قارسى ءىس- قيمىل باسقارماسىنىڭ جەدەل ۋاكىلدەرى قۇرىقتادى.

«پەتروپاۆل - استانا» اۆتوجولىندا ءتارتىپ ساقشىلارى «Volkswagen Passat» اۆتوكولىگىنىڭ جۇرگىزۋشىسىنەن كولىكتى توقتاتۋدى تالاپ ەتتى.

الايدا جۇرگىزۋشى پوليتسەيلەردىڭ زاڭدى تالابىن ەلەمەي، جاسىرىنباق بولدى. كوپ ۇزاماي جەدەل ۋاكىلدەر اۆتوكولىكتى اققايىڭ اۋدانىنداعى استراحانكا اۋىلىنىڭ ماڭىندا توقتاتتى.

كولىك ىشىندە 29 بەن 30 جاستاعى ەكى پەتروپاۆلدىق بولدى. جاسى كىشىسى بۇرىن ەسىرتكىنىڭ زاڭسىز اينالىمىمەن بايلانىستى قىلمىسى ءۇشىن ءىستى بولعان.

جۇكسالعىشتان وسىمدىك تەكتەس زات سالىنعان 5 قاپ تاركىلەندى. ساراپتاما ونىڭ جالپى سالماعى 128 ك گ كەپتىرىلگەن ماريحۋانا ەكەنىن كورسەتتى. بۇل اسا ءىرى مولشەرگە جاتادى.

كەيىنىرەك ءتىنتۋ شارالارى بارىسىندا ۇستالعانداردىڭ ءبىرىنىڭ گاراجىنان 300 ك گ ماريحۋانا مەن 21 ك گ 300 گر گاشيش جاسىرىلعان ورىن انىقتالدى.

وسىلايشا، تاركىلەنگەن ەسىرتكىنىڭ جالپى سالماعى 464 كەلىنى قۇرادى.

«بۇل سوڭعى 10 جىلدا وبلىس پوليسەيلەرى تاركىلەگەن ەڭ ءىرى ماريحۋانا پارتياسى. اتالعان فاكتى ق ر قىلمىستىق كودەكسىنىڭ 297-بابىنىڭ 3-بولىگى «ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ» بويىنشا سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىندە تىركەلدى. كۇدىكتىلەر قاماۋعا الىندى، تەرگەۋ ءجۇرىپ جاتىر» - دەيدى س ق و پ د باستىعىنىڭ ورىنباسارى، پوليتسيا پولكوۆنيگى رۋسلان نازاروۆ.