الەمدەگى ەڭ ءىرى 10 قالا
كەي زەرتتەۋشىلەر XXI عاسىر ورتاسىنا تامان عالامشارداعى ادام سانى 8,8 ميللياردقا جەتىپ، قايتا ازايا باستايدى دەگەن بولجام جاسادى. ال وزگە عالىمدار 2080 -جىلدارى ادامزات 10 ميللياردتان اساتىنىن ايتادى، - دەپ حابارلايدى Tengritravel.kz ءتىلشىسى.
ادام سانى ارتقاندىقتان الەمدەگى ۇلكەن قالالاردىڭ تۇرعىندارىنىڭ سانى دا ارتتى. ماماندار ادام سانىنىڭ كوپتىگى قورشاعان ورتانىڭ لاستانۋىنا اكەپ سوعادى دەپ قورقادى.
تومەندە الەمدەگى ادام سانى ەڭ كوپ 10 قالاعا توقتالايىق.
توكيو، جاپونيا - 37,4 ميلليون ادام. بۇل مەگاپوليس اۋماعى 13452 شارشى شاقىرىم. بۇل دەگەنىمىز 1 شاقىرىم جەردە 2642 ادام تۇرادى دەگەن ءسوز. وسىعان بايلانىستى قالادا باسپانا مەن قوعامدىق كولىك جەتىسپەۋشىلىگى ارتتى.
دەلي، ءۇندىستان - 29,3 ميلليون ادام. بۇل اۋماققا نيۋ-دەلي (ياعني استانا) جانە بىرنەشە ايماقتىق شتاتتار كىرەدى. قالانىڭ ينفراقۇرىلىمى ەسكىردى، ال شاھاردىڭ بارىنا ەكى مىڭ جىل بولىپتى. دەليدىڭ باستى قيىندىعى ونەركاسىپ سالدارىنان اينالانىڭ لاستانۋى مەن باسپانانىڭ جەتىسپەۋشىلىگى.
شاڭحاي، قىتاي - 26,32 ميلليون ادام. باياعىدا شاڭحاي كىشكەنتاي عانا اۋىل بولعان ەكەن. ال قازىرگى تاڭدا بۇل زاماناۋي ساۋدا ورتالىقتارى مەن ءداستۇرلى اسحانالار ورنالاسقان نانكين-روۋد اۋدانى بار ۇلكەن شاھار.
سان- پاۋلۋ، برازيليا - 21,8 ميلليون ادام. بۇل «قايشىلىقتار قالاسى». مۇندا اسقان كەدەيشىلىك پەن استامشىلىدىق قاتار كەزدەسەدى. بۇل قالادا اسپان تىرەگەن عيماراتتار مەن شارشاعان لاشىقتاردىڭ قاتار تۇرعانىن كورە الاسىز. سان-پاۋلۋدىڭ باستى قيىندىعى - ول اينالاسىندا ىشۋگە جارامدى سۋ قويمالارىنىڭ جوقتىعىنا بايلانىستى اۋىز سۋ تاپشىلىعى.
مەحيكو، مەكسيكا - 21,6 ميلليون ادام. 1900 -جىلى بۇل قالادا 500 ادام تۇرعان ەكەن. الايدا اۋىل-اۋىلدان كوشىپ كەلۋشىلەر قاتارىنان 1970-جىلى حالىق سانى 9 ميلليونعا جەتىپتى. باسپانا جەتىسپەۋشىلىگى باستالعاننان كەيىن قالا ماڭىندا زاڭسىز سالىنعان لاشىقتار پايدا بولا باستاعان ەكەن.
كاير، مىسىر - 20,4 ميلليون ادام. بۇل قالادا مىسىردىڭ 11 پايىزى تۇرادى. شاھاردا كولىكپەن قيىندىق بار جانە ارا-تۇرا قالانى قۇمدى داۋىل باسىپ قالادى.
داككا، بانگلادەش - 20,2 ميلليون ادام. مۇندا ءدىني شارالار، فەستيۆالدەر كوپ وتەدى. ءبىراق ءبىر جامانى جاۋىندار ماۋسىمىندا قالانى سۋ باسىپ قالادى ەكەن.
مۋمباي، ءۇندىستان - 20,1 ميلليون ادام. بۇل ەلدىڭ ساۋدا جانە قارجىلىق ورتالىعى. شاھاردىڭ باستى قيىندىعى كوشەدەگى لاستىق پەن تۇرعىن ۇيلەردىڭ ساپاسىزدىعى. ال جولدارداعى كولىك ءجۇرىسى تىپتەن ناشار.
بەيجىڭ، قىتاي - 21,54 ميلليون ادام. قالا تۇرعىندارى كاسىپورىندار مەن كولىك ءتۇتىنى، ءجيى سوعاتىن شاڭدى داۋىل سالدارىنان ۇيدە وتىرۋعا كەڭەس بەرىلەدى.
وساكا، جاپونيا - 19,2 ميلليون ادام. مۇنداعى ادامدار ۇنەمى بولاتىن كەپتەلىس پەن لايىقتى باسپانا تاپشىلىعى سياقتى قيىندىقتارعا تاپ بولادى ەكەن.