07:56, 19 - ءساۋىر 2023 | GMT +5
قىتايدا ونەركاسىپ نىسانىنداعى ورتتەن 10-نان استام ادام كوز جۇمدى
بەيجىڭ. قازاقپارات - قىتايدىڭ شىعىسىندا جىجياڭ پروۆينسياسىنداعى ونەركاسىپ نىساندارىنىڭ بىرىندە بولعان ورتتەن كەم دەگەندە 11 ادام قازا تاپتى، دەپ حابارلايدى قازاقپارات تاسس-قا سىلتەمە جاساپ.
قىتاي ورتالىق تەلەارناسىنىڭ مالىمەتىنشە، ءورت دۇيسەنبى كۇنى جينحۋا قالاسىنا قاراستى ۋي ۋەزدىندە بولدى.
وقيعا ورنىنا ءورت سوندىرۋشىلەر، مەديتسينا بريگادالارى مەن پوليتسيا شۇعىل جەتكەن. جەرگىلىكتى بيلىك قۇتقارۋ جۇمىستارىن ۇيىمداستىردى. توتەنشە جاعدايدىڭ سەبەبى انىقتالىپ جاتىر، تەرگەۋ جۇرگىزىلۋدە.
