نايزاعاي، جاڭبىر، تۇمان: 10-ساۋىردە قۇبىلمالى اۋا رايى ساقتالادى

استانا. قازاقپارات - قازگيدرومەت سينوپتيكتەرى 10-ءساۋىر، دۇيسەنبىگە ارنالعان اۋا رايى بولجامىن ۇسىندى، دەپ حابارلايدى قازاقپارات.

اتموسفەرالىق فرونتتارعا بايلانىستى قازاقستان اۋماعىنىڭ باسىم بولىگىندە تۇراقسىز اۋا رايى ساقتالادى.

جاڭبىر جاۋادى. وڭتۇستىكتە تاۋلى اۋدانداردا كەي ۋاقىتتا قاتتى جاڭبىر، تۇندە اقمولا وبلىسىنىڭ سولتۇستىگىندە جاڭبىر جانە قار جاۋادى.

تەك قازاقستاننىڭ سولتۇستىگىندە، ورتالىعىندا، شىعىسىندا جاۋىن-شاشىن بولمايدى.

رەسپۋبليكا بويىنشا جەل كۇشەيەدى، تۇمان تۇسەدى، وڭتۇستىك وڭىرلەردە - نايزاعاي جارقىلدايدى.

جامبىل وبلىسىندا بۇرشاق جاۋۋى ىقتيمال.

تۇركىستان، جامبىل وبلىستارىنىڭ وڭتۇستىگىندە، تاۋلى اۋداندارىندا قاتتى جاڭبىر جاۋادى.

جامبىل وبلىسىندا جەل ەكپىنى 30 م/س اسادى.

تۇندە جەتسىۋ وبلىسىنىڭ ورتالىعىندا جانە تاۋلى اۋداندارىندا، باتىس قازاقستان وبلىسىنىڭ سولتۇستىك- باتىسىندا، سولتۇستىگىندە توپىراق بەتىندە 3 گرادۋس ۇسىك جۇرەدى.