سوت اقتاعان ۆيتسە- مينيستر مەملەكەتتەن 10 ميلليون تەڭگە وتەماقى ءوندىرىپ الادى
استانا سوتتارىنىڭ Facebook پاراقشاسىندا جاريالانعان مالىمەتكە سايكەس، تالاپكەر سوت ۇكىمىمەن قىلمىس جاساۋعا قاتىسقانى دالەلدەنبەۋىنە بايلانىستى كىناسىز دەپ تانىلعان.
سونىمەن قاتار اتالعان ۇكىمدە اقتالعان تالاپكەردىڭ قىلمىستىق ءىستى جۇرگىزگەن ورگاننىڭ زاڭسىز ءىس- ارەكەتىنەن كەلگەن زياندى ءوندرىپ الۋ قۇقىعى كورسەتىلگەن.
ا. شكارۋپانى 2018 -جىلى باس پروكۋراتۋرانىڭ جەدەل تەرگەۋ توبى ۇستاپ، تەرگەۋ سوتىنىڭ سانكسياسىمەن تەرگەۋ يزولياتورىنا قاماعان ەدى.
2021 -جىلدىڭ 26-قاڭتارىندا قاراعاندى قالاسى قازىبەك بي اۋداندىق سوتى ا. شكارۋپانى قىلمىستىق كودەكستىڭ 189-بابى 4-تارماعى 2-تارماقشاسىندا كودەلگەن قىلمىستى جاساۋعا كىنالى ەمەس دەپ تانىپ، قىلمىستىق قۇقىق بۇزۋشىلىقتىڭ بولماۋىنا بايلانىستى اقتاعان.
سول جىلى اقپاندا قاراعاندى وبلىستىق قىلمىستىق ىستەر جونىندەگى سوت القاسى ءبىرىنشى ساتى ۇكىمىن وزگەرىسسىز قالدىردى.
«سوت تالاپتى جارتىلاي قاناعاتتاندىردى. قارجى مينيسترلىگىنەن 10 ميلليون تەڭگە مولشەرىندە مورالدىق زيان وتەماقىسى ءوندىرىپ الىنادى»، - دەلىنگەن تاراتىلعان اقپاراتتا.
سوت شەشىمى زاڭدى كۇشىنە ەنگەن جوق.
ەسكە سالا كەتسەك، باس پروكۋراتۋرا ەنەرگەتيكا ۆيتسە- ءمينيسترى بولعان اناتولي شكارۋپانىڭ ۇستىنەن قىلمىستىق ءىس قوزعادى.
وعان جانە تاعى ەكى كۇدىكتىگە «تۇرعىن ءۇي- كوممۋنالدىق شارۋاشىلىقتى دامىتۋ قورى» ا ق قاراعاندى وبلىسىنىڭ ساران قالاسىندا جىلۋ ەسەپتەۋ قۇرالدارىن ساتىپ الۋعا جانە ورناتۋعا بولگەن 215 ميلليون تەڭگەنى ۇرلادى دەگەن ايىپ تاعىلعان ەدى.
2021 -جىلدىڭ 26- اقپانىندا قاراعاندى قالاسىنىڭ قازىبەك بي اۋداندىق سوتى اناتولي شكارۋپانى اقتادى.
اۆتور
مارلان جيەمباي
