تۇركىستانداعى سۋ تاسقىنى: وبلىستىق ماڭىزى بار 10 نان اسا جول ءبۇلىندى
اتاپ ايتقاندا، ساۋران اۋدانىنداعى شورناق-قارناق (ك ح-58)، كەنتاۋ-اشىساي (ك ح-56)، كەنتاۋ-تۇركىستان اۋەجاي (ك ح-61)، بايدىبەك اۋدانىنداعى شايان-مىڭبۇلاق (ك ح-3)، شايان-اعىبەت-شاقپاق (ك ح-5)، شايان - شولاققورعان (ك ح-2)، سوزاق اۋدانىنداعى شولاققورعان-شايان (ك ح-2)، ارىس اۋدانىنداعى شاردارا-ارىس (ك ح-8)، سارىاعاش اۋدانىنداعى جىلعا-ءالىمتاۋ (ك ح-55)، كەلەس اۋدانىنداعى اباي-بوزاي (ك ح-94) جانە بوزاي-بەكبوتا باعىتىنداعى (ك ح-108) وبلىستىق ماڭىزى بار اۆتوموبيل جولدارىنىڭ ءبىر بولىگىن سۋ شايىپ كەتكەن.
«قازىرگى تاڭدا، تۇركىستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسى جانە «وڭتۇستىك جولدارى» م ك ك تاراپىنان زاقىمدالعان جولداردى قالپىنا كەلتىرۋ جۇمىستارى باستالىپ، جولدارعا قاجەتتى ماتەريالدار جەتكىزىلۋدە. قالپىنا كەلتىرۋ جۇمىستارى جۇرگىزىلۋدە» - دەلىنگەن وبلىستىق جولاۋشىلار كولىگى جانە اۆتوموبيل جولدارى باسقارماسى حابارلاماسىندا.
