يراندا قىز بەن جىگىت «تەگەران قاقپاسى» الدىندا بيلەگەنى ءۇشىن 10 جىلعا سوتتالدى
اقپارات بويىنشا، استياج حاگيگي مەن امير موحامماد احمادي «ازعىندىق پەن قوعامدىق جەزوكشەلىكتى ناسيحاتتاعانى» جانە «ۇلتتىق قاۋىپسىزدىكتى بۇزۋ ماقساتىندا جيىن وتكىزگەنى» ءۇشىن ايىپتى دەپ تانىلعان.
ولاردىڭ رومانتيكالىق ءبيى تاسپالانعان ۆيدەو Instagram جەلىسىندە جاريالانىپ، ميلليون قارالىم جيناعان.
حاكيكي مەن احمادي - ەلدەگى تانىمال بلوگەرلەر، ولاردىڭ پاراقشاسىنا كوپ ادام جازىلعان.
كەيىنگى ايلاردا يران بيلىگى ايەل قۇقىقتارىن قورعايتىن ناۋقان قاتىسۋشىسى دەپ ەسەپتەيتىن ادامداردىڭ ءبارىنىڭ سوڭىنا ءتۇستى.
جاپپاي قارسىلىق كورسەتۋ بىلتىر قىركۇيەكتە 22 جاستاعى ماحسا ءامينيدىڭ ولىمىنەن كەيىن باستالدى.
ونى يسلام ادەت- عۇرىپ پوليتسياسى حيدجاپتى دۇرىس تاقپاعانى ءۇشىن ۇستاپ اكەتىپ، ول پوليتسيا ۋچاسكەسىندە قايتىس بولعان.
ماحسانىڭ تۋىستارى مەن ونى ۇستاپ اكەتكەنىن كورگەن كۋاگەرلەردىڭ ايتۋىنشا، ونى ۇرىپ- سوققان.
فوتو: كادر يز ۆيدەو/ bbc.com
اۆتور
بالنۇر قوجاگەلدى