قوستاناي وبلىسىندا 10 ادامنان قۇرالعان توپ كاسىپكەرلەردى بوپسالاپ كەلگەن

None
قوستاناي. قازاقپارات - قوستاناي وبلىسىندا بوپسالاۋمەن اينالىسىپ كەلگەن 10 ادام كۇدىكتى رەتىندە قاماۋعا الىندى، دەپ حابارلايدى قازاقپارات Polisia.kz-كە سىلتەمە جاساپ.

قوستاناي وبلىسىنىڭ پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى وبلىس اۋماعىندا ۇزاق ۋاقىت بويى بوپسالاۋمەن جانە وزگە دە قىلمىس تۇرلەرىمەن اينالىسىپ كەلگەن قىلمىستىق توپتى ۇستاعان.

اتالعان باسقارماسىنىڭ باستىعى سەرىك بايعونوۆتىڭ ايتۋىنشا، جەدەل شارالاردىڭ ناتيجەسىندە ءوڭىردىڭ ءتۇرلى اۋماعىندا بوپسالاۋعا جانە باسقا دا قىلمىس تۇرلەرىنە قاتىسى بار 10 كۇدىكتى ۇستالدى.

«قىلمىستىق توپ وبلىس تۇرعىندارىنا قاتىستى 12 قىلمىستىق قۇقىق بۇزۋشىلىق جاسادى دەگەن كۇدىككە ءىلىندى. ولاردىڭ اراسىندا كاسىپكەرلەر دە بار. جالپى شىعىن 10 ميلليون تەڭگەدەن استى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ جاتىر»، - دەلىنگەن پوليتسيا مالىمەتىندە.


سوڭعى جاڭالىقتار