قازاق كارتاسى - ەتنيكالىق قازاقتارعا جەڭىلدەتىلگەن ۆيزا، 10 جىلعا دەيىن ۋاقىتشا تۇرۋ مۇمكىندىگى
ايتا كەتەيىك، شەتەلدەگى قانداستاردىڭ تاريحي وتانىمەن بايلانىسىن نىعايتۋ ءۇشىن ولارعا قازاق كارتاسى بەرىلەدى. بۇل كارتانىڭ يەسى ساياسي قۇقىقتاردى قوسپاعاندا، تۇرۋ قۇقىعىمەن بىردەي بولاتىن ەلگە جەڭىلدەتىلگەن كىرۋ قۇقىعىن (بيزنەس اشۋ، جىلجىمايتىن مۇلىككە جانە باسقا مۇلىككە يەلىك ەتۋ، قارجىلىق وپەراتسيالاردى جۇرگىزۋ) يەلەنەدى.
«قانداستارىمىز جونىندە ەش ماسەلە جوق. ولاردىڭ كەلۋى بۇگىنگى تاڭدا قولدانىستاعى زاڭدا تولىق قامتىلعان. سونىمەن بىرگە، شەتتە جۇرگەن، ءوز بيزنەسى بار، ءبىراق ەلمەن تاريحي بايلانىستا بولعىسى كەلەتىن ەتنيكالىق قازاقتار دا بار. سوندىقتان قازاق كارتاسى دەگەن الەمدىك تاجىريبەدە بار كارتالاردىڭ ءبىرىن قولدانباقشىمىز. ونداعى نەگىزگى ءتۇيىن - ەگەر شەتەلدەگى ەتنيكالىق قازاق سول ەلدە تۇرا بەرەم، ءبىراق ەلىمە كەلىپ، بيزنەس اشىپ، ءوز ەلىمنىڭ دامۋىنا ۇلەس قوسام دەسە، ولاردىڭ كەلىپ- كەتۋىنە تولىق مۇمكىندىك بەرىلەدى جانە جەڭىلدەتىلگەن ۆيزالار بەرىلەدى، 10 جىلعا دەيىن ۋاقىتشا تۇرۋ مۇمكىندىگىن الادى»، - دەدى مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ودان بولەك، پرەزيدەنتتىڭ كەزەكتى جولداۋىندا ەلىمىزدىڭ كوشى- قون ساياساتىنىڭ تيىمدىلىگىن ارتتىرۋ بويىنشا جاڭا شارالار پاكەتى ۇسىنىلعان.
