ەلوردا تۇرعىنى 10-قاباتتان قۇلاپ بارا جاتقان بالانى قاعىپ العان
بۇل تۋرالى نۇر-سۇلتان قالالىق توتەنشە جاعدايلار دەپارتامەنتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
«اعىمداعى جىلدىڭ 31- شىلدەسىندە ساعات 20:50 دە قۇتقارۋ قىزمەتىنە جەدەل جاردەمنەن قوڭىراۋ ءتۇستى. وندا قابانباي باتىر داڭعىلى، 42 مەكەنجايىندا ورنالاسقان ءۇيدىڭ 10-قاباتىنان بالا قۇلاعانى ايتىلعان.
بيىكتەن قۇلاعان بالا 2017-جىلى تۋعان. ونى سول ۇيدە تۇراتىن 1988-جىلعى ازامات جولاي ءوتىپ بارا جاتىپ كەزدەيسوق كورىپ، دەرەۋ بالانى قاعىپ الۋعا تىرىسقان. ول وسىلايشا بالانى جەرگە قاتتى سوعىلۋدان ساقتاپ قالدى. دەگەنمەن ءبۇلدىرشىن قازىر 2№ اۋرۋحانانىڭ جانساقتاۋ بولىمىندە اۋىر حالدە جاتىر»، - دەدى ت ج د باسپا ءسوز قىزمەتى.
دەپارتامەنت وكىلدەرى بالانى قۇتقارىپ قالعان تالعات ءابدىحان ۇلىن مارپاتتاۋدى ءجون كورىپ، وعان حابارلاسقان.
الايدا، ول ءبۇلدىرشىننىڭ اۋىر حالدە جاتقانىن العا تارتىپ، ماراپاتتان باس تارتىپتى.
