قازاقستان ە ا ە و ەلدەرىمەن بەس ايدا 10 ميلليارد دوللارعا ساۋدا-ساتتىق جاسادى
بۇل تۋرالى ق ر ساۋدا جانە ينتەگراتسيا مينيسترلىگىنىڭ القا وتىرىسىندا ءمالىم ەتىلدى، دەپ حابارلايدى قازاقپارات.
ق ر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆتىڭ توراعالىعىمەن ق ر ساۋدا جانە ينتەگراتسيا مينيسترلىگىنىڭ القا وتىرىسى ءوتتى.
القا وتىرىسىندا ۆەدومستۆونىڭ 1- جارتىجىلدىقتاعى جۇمىسى قورىتىندىلانىپ، الداعى كەزەڭگە ارنالعان مىندەتتەر ايقىندالدى. ۆيتسە-مينيستر جانەل كۋشۋكوۆانىڭ ايتۋىنشا، 2022-جىلدىڭ بەس ايىندا قازاقستاننىڭ سىرتقى ساۋداسىنىڭ وڭ ديناميكاسى بايقالادى. بيىل قاڭتار-مامىردا سىرتقى ساۋدا اينالىمى 51,3 ميلليارد دوللاردى قۇرادى. ەكسپورت وتكەن جىلدىڭ سايكەس كەزەڭىمەن سالىستىرعاندا %59 ءوسىپ، 34,2 ميلليارد دوللار بولدى. سونداي-اق قازاقستاننىڭ ە ا ە و ەلدەرىمەن ساۋداسى وڭ ديناميكانى كورسەتۋدى جالعاستىرۋدا.
«قازاقستاننىڭ ە ا ە و بويىنشا ارىپتەستەرىمەن تاۋار اينالىمى 2022-جىلدىڭ 5 ايىندا 10 ميلليارد دوللاردى قۇرادى، بۇل 2021-جىلدىڭ سايكەس كەزەڭىمەن سالىستىرعاندا %5 كوپ. ە ا ە و ەلدەرى نارىقتارىنداعى قازاقستاندىق تاۋارلار ءۇشىن كەدەرگىلەردى جويۋ بويىنشا جۇمىس جالعاسىپ جاتىر»، - دەدى جانەل كۋشۋكوۆا.
ءوز كەزەگىندە ق ر ساۋدا جانە ينتەگراتسيا ۆيتسە-ءمينيسترى اسەل جاناسوۆا بۇگىنگى تاڭدا مينيسترلىك 9 سيفرلىق جوبانى ىسكە اسىرىپ جاتقانىن حابارلادى.
ولاردىڭ اراسىندا تولەم جۇيەسى بار الەۋمەتتىك ءامياندى ەنگىزۋ دە بار.
«بۇگىنگى تاڭدا «الەۋمەتتىك ءاميان» پيلوتتىق جوباسىن جۇرگىزۋ بويىنشا جۇمىستار مۇددەلى مەملەكەتتىك ورگانداردىڭ، ۇيىمداردىڭ جانە ە د ب- نىڭ قاتىسۋىمەن جالعاسىپ جاتىر»، - دەدى اسەل جاناسوۆا.
سونىمەن قاتار باقىت سۇلتانوۆ جىل سوڭىنا دەيىن مۇددەلى ورگاندارمەن، ۇيىمدارمەن جانە ە د ب- مەن بىرلەسىپ «الەۋمەتتىك ءامياندى» ەنگىزۋ قاجەتتىگىن اتاپ ءوتتى.
«جوبانى ىسكە اسىرۋ ولاردى پايدالانۋ تيىمدىلىگىنىڭ مونيتورينگىن قامتاماسىز ەتە وتىرىپ، حالىقتى الەۋمەتتىك قولداۋ قاراجاتىن ءبولۋدىڭ سيفرلىق قۇرالىن جىلدام قۇرۋدى قامتاماسىز ەتەدى»، - دەدى باقىت سۇلتانوۆ.
القا وتىرىسى بارىسىندا ساۋدا كوميتەتىنىڭ ءتوراعاسى ەرجان قازانبايەۆ تا بايانداما جاسادى.
ونىڭ ايتۋىنشا، ىشكى تاۋار اينالىمى ءوستى. وسى جىلدىڭ قاڭتار-ماۋسىم ايلارىندا تاۋار اينالىمىنىڭ كولەمى 20,6 تريلليون تەڭگەنى قۇرادى. ونىڭ ىشىندە بولشەك ساۋدادا 6,1 تريلليون تەڭگە، كوتەرمە ساۋدادا 14,5 تريلليون تەڭگە بولدى. قازىرگى ۋاقىتتا كوميتەت 3 نەگىزگى باعىت بويىنشا جۇمىس جۇرگىزىپ جاتىر:
- ساۋدا سالاسىن دامىتۋ ماسەلەلەرى بويىنشا مەملەكەتتىك ساياساتتى جەتىلدىرۋ؛
- ساۋدا ينفراقۇرىلىمىن دامىتۋ؛
- ازىق-تۇلىك تاۋارلارىنا باعالاردى تۇراقتاندىرۋ ماسەلەلەرى بويىنشا ءبىرىڭعاي مەملەكەتتىك ساياساتتى ىسكە اسىرۋدى قامتاماسىز ەتۋ.
سونىمەن قاتار باقىت سۇلتانوۆ ساۋدا كوميتەتىنىڭ ءتوراعاسىنا ا ش م- نىڭ قانت سالاسىن دامىتۋ بويىنشا كەشەندى جوسپار ازىرلەۋ جۇمىسىنا بەلسەندى قاتىسۋدى تاپسىردى.
ول يمپورتقا تاۋەلدىلىكتى ەداۋىر ازايتۋعا جانە ءوزىن-ءوزى قامتاماسىز ەتۋگە بىرتىندەپ كوشۋگە باعىتتالۋى كەرەك ەكەنىن اتاپ ءوتتى.
سونداي-اق مۇددەلى ينۆەستورلاردى تارتا وتىرىپ، ك ت و جەلىسى بار ۇلتتىق تاۋار وتكىزۋ جۇيەسىن ىسكە قوسۋدى جەدەلدەتۋ قاجەت. القا وتىرىسى بارىسىندا ت ر م ك ءتوراعاسى ارمان ابەنوۆ، ت ق ق ك ءتوراعاسىنىڭ ورىنباسارى الماس ءابجاپپاروۆ جانە ق ر س ي م اپپارات باسشىسى جانىبەك ءنوپىروۆ مينيسترلىك قىزمەتىنىڭ ماسەلەلەرى بويىنشا بايانداما جاسادى.
ساۋدا جانە ينتەگراتسيا ءمينيسترى وتىرىستى قورىتىندىلاي كەلە، ۆيتسە-مينيسترلەر مەن كوميتەت ءتوراعالارىنا بارلىق قابىلدانعان مىندەتتەمەلەردى، ونىڭ ىشىندە مەملەكەت باسشىسىنىڭ جاڭا تاپسىرمالارىن ۋاقىتىلى جانە ساپالى ورىنداۋدى قامتاماسىز ەتۋدى تاپسىردى.
سونداي-اق ق ر ۇكىمەتىنىڭ كەڭەيتىلگەن وتىرىسىندا مەملەكەت باسشىسىنىڭ سىنىنا بايلانىستى ساۋدا كوميتەتى باسشىلىعىنىڭ جاۋاپكەرشىلىگىن قاراۋ تاپسىرىلدى.
