استانا اكىمدىگى جار سالعان 10 تۋريستىك جوبانىڭ قازىرگى كۇيى قانداي
ارادا وتكەن 4 جىلدىڭ ىشىندە سول 10 جوبانىڭ تەك بىرەۋىنىڭ عانا سىزباسى دايىندالعان، دەپ حابارلايدى قازاقپارات ءتىلشىسى.
اڭگىمە «بوزوق» ۇلتتىق پاركى تۋرالى بولىپ وتىر. قازاقپاراتتىڭ ساۋالىنا جولداعان جاۋاپتا قالالىق ساۋلەت، قالا قۇرىلىسى جانە جەر قاتىناستارى باسقارماسى اتالعان نىساننىڭ ەسىل اۋدانىنا قاراستى يلينكا تۇرعىن ءۇي ماسسيۆىنىڭ سولتۇستىك جاعىندا بوي كوتەرەتىنىن جەتكىزگەن. جوبانىڭ ءبىرىنشى كەزەڭدەگى سىزباسى مامىر ايىندا بەكىتىلىپتى. قۇرىلىس تۇسەتىن الاڭنىڭ جالپى اۋدانى 2 مىڭ شارشى مەترگە جۋىق. باسقارما ماماندارى ساۋالدا اتى اتالعان قالعان نىساندار تۋرالى قانداي دا ءبىر مالىمەت ۇسىنبادى.
سونىڭ ءبىرى - 300 ادامعا شاقتالعان پلانەتاري قۇرىلىسى بولاتىن.
«جالپى 2025 -جىلعا دەيىن استاناعا كەلەتىن تۋريستەردىڭ سانىن 800 مىڭنان اسىرۋ جوسپارلانعان. ق ر ۇكىمەتىنىڭ 2021 -جىلدىڭ 12- قازانىنداعى №728 قاۋلىسىمەن بەكىتىلگەن كاسىپكەرلىك دامىتۋدىڭ ۇلتتى جوباسى اياسىندا ىشكى جانە سىرتتان كەلەتىن تۋريستەردىڭ سانىن ارتتىرۋ كوزدەلگەن. نۇر- سۇلتان قالاسى ءۇشىن 2025 -جىلعا دەيىن ىشكى تۋريستەردىڭ سانىن 587 مىڭعا، سىرتتان كەلەتىن تۋريستەردىڭ سانىن 263,48 مىڭعا جەتكىزۋ مەجەسى قويىلىپ وتىر. بۇگىنگى تاڭدا وسى كورسەتكىشكە قول جەتكىزۋ ءۇشىن تۋريست تارتۋ جۇمىستارى ءجۇرىپ جاتىر»، - دەپ جازىلعان جاۋاپتا.
بۇعان دەيىن اتالعان «بوزوق» ۇلتتىق پاركىن سالۋعا تاعى 46 ميلليون تەڭگە قاجەتتىگى حابارلانعان ەدى.
فوتو: www.facebook.com/Gharysh
اۆتور ەسىمجان ناقتىباي
