الماتى وبلىسىندا 10 جىل بۇرىن جاسالعان قىلمىسقا قاتىستى سوت ۇكىمى شىقتى
الماتى قالالىق پروكۋراتۋرا تاراتقان مالىمەتكە سايكەس، قىلمىس 2012-جىلى الماتى وبلىسىنىڭ قاراساي اۋدانىندا بولعان. توبەلەس كەزىندە ەر ادام قارسىلاسىنا بىرنەشە رەت پىشاق سالعان. دەرەك بويىنشا پوليتسەيلەر سوتالدى تەرگەۋ امالدارىن باستاعان. الايدا كەيىن قىلمىستىق ءىس توقتاتىلعان.
«پوليتسيا كۇدىكتى بولا تۇرا، جاۋاپقا تارتاتىن تۇلعانىڭ انىقتالماۋىنا بايلانىستى قىلمىستىق ءىستى نەگىزسىز توقتاتتى. وسىلايشا قىلمىسكەر جاۋاپكەرشىلىكتەن بوساعان. تەك ناۋرىزباي اۋدانى پروكۋراتۋراسىنىڭ ارالاسۋىنان كەيىن عانا قىلمىستىق ءىس قايتا قوزعالدى. وسىلايشا، الماتىدا 2012-جىلى باستالعان قىلمىستىق ىسكە قاتىستى زاڭدى قورىتىندى شىقتى»، - دەپ حابارلادى قاداعالاۋ ورگانىنان.
پروكۋراتۋرانىڭ تالابىمەن، ءبىرقاتار تەرگەۋ ارەكەتتەرى جۇرگىزىلىپ، كۇدىكتىگە كىسى ولتىرۋگە وقتالدى دەگەن ايىپ تاعىلىپ، ول قاماۋعا الىندى. كەيىننەن قىلمىستىق ءىستى پروكۋراتۋرا سوتقا جولدادى.
«الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى سوتتالۋشى ت. ب. قاتىستى ايىپتاۋ ۇكىمىن شىعارىپ، ول 6 جىلعا باس بوستاندىعىنان ايىرۋ تۇرىندەگى جازا تاعايىنداۋمەن ادام ولتىرۋگە وقتالعانى ءۇشىن كىنالى دەپ تانىلدى»، - دەپ اتاپ ءوتتى پروكۋراتۋرا وكىلدەرى.
سونداي-اق، پروكۋرورلار قىلمىسكەردى جاۋاپكەرشىلىكتەن بوساتۋعا جول بەرگەن پوليتسيا قىزمەتكەرلەرىنىڭ ارەكەتىنە قۇقىقتىق باعا بەرۋ ءۇشىن ماتەريالداردى پوليتسيا دەپارتامەنتىنىڭ ىشكى قاۋىپسىزدىك بولىمىنە جولدادى.
