اقتاۋدا 10-قاباتتاعى تەرەزەدەن سىرتقا شىعىپ ويناعان بالالاردىڭ اتا-اناسى جازالاندى

اقتاۋ. قازاقپارات - كەشە اقتاۋداعى «اتاكەنت» تۇرعىن ءۇي كەشەنىنىڭ 10-قاباتىندا تەرەزەدەن شىعىپ، ەرنەۋىندە جۇرگەن بالالاردىڭ اتا-اناسى انىقتالىپ، جاۋاپكەرشىلىككە تارتىلدى، دەپ حابارلايدى قازاقپارات ءتىلشىسى.

بۇل تۋرالى ماڭعىستاۋ وبلىستىق ىشكى ىستەر دەپارتامەنتىنىڭ باسپا ءسوز قىزمەتى ءمالىم ەتتى. «يۋۆەنالدى پوليتسيا دەرەۋ پاتەرگە باردى. وسىنداي جاعدايلاردىڭ الدىن الۋ ماقساتىندا كامەلەتكە تولماعاندارمەن، سونداي-اق اتا-انالارمەن پروفيلاكتيكالىق اڭگىمە جۇرگىزدى. اتا-انالار اكىمشىلىك قۇقىق بۇزۋ كودەكسىنىڭ 127-بابىنىڭ 1-بولىگى بويىنشا جاۋاپكەرشىلىككە تارتىلدى» دەلىنگەن مالىمدەمەدە.

ماڭعىستاۋ وبلىسىنىڭ پوليتسيا دەپارتامەنتى قالا تۇرعىندارىنا بالالاردى قاراۋسىز قالدىرماۋىن، ولاردىڭ قاۋىپسىزدىگىن قامتاماسىز ەتۋى كەرەكتىگىن ەسكەرتىپ وتىر.

ەسكە سالا كەتەيىك، كەشە 10-قاباتتاعى پاتەر تەرەزەلەرىنەن كىرىپ-شىعىپ ويناپ جۇرگەن 3 قىز بالا كوشەدەگى ادامداردىڭ كوزىنە تۇسكەنىن جازعان ەدىك.