07:25, 26 - شىلدە 2022 | GMT +5
اقتاۋدا بالالار 10-قاباتتاعى پاتەر تەرەزەلەرىنەن كىرىپ-شىعىپ جۇرگەن - ۆيدەو
اقتاۋ. قازاقپارات - ماڭعىستاۋ وبلىسىنىڭ پوليتسياسى كوپقاباتتى ۇيدەگى پاتەردىڭ ءبىر تەرەزەسىنەن شىعىپ، ءۇيدىڭ سىرت قابىرعاسىنداعى شىعىڭقى جەر ارقىلى ەكىنشى تەرەزەگە كىرىپ- شىعىپ جۇرگەن بالالار تۋرالى ۆيدەونى تەكسەرىپ جاتىر، دەپ حابارلايدى قازاقپارات ءتىلشىسى.
وقيعا اقتاۋ قالاسىنداعى 32 «ب» شاعىناۋدانىندا ورنالاسقان «اتاكەنت» تۇرعىن ءۇي كەشەنىندە بولعان. 10-قاباتتاعى پاتەر تەرەزەلەرىنەن كىرىپ- شىعىپ ويناپ جۇرگەن 3 قىز بالا كوشەدەگى ادامداردىڭ كوزىنە تۇسكەن.
«ۆيدەو الەۋمەتتىك جەلى ارقىلى كەلىپ جاتىر. 25-شىلدە ساعات 10-نان كەتە بولعان. ەستۋىمشە، بالالاردىڭ اناسى دۇكەنگە كەتكەن»، - دەدى وسى ءۇيدىڭ تۇرعىنى قازاقپارات تىلشىسىنە.
ۆيدەودا كورىپ تۇرعانىمىزداي تەرەزەلەرگە قاۋىپسىزدىك تورى ورناتىلماعان. بولعان جاعدايدىڭ انىق- قانىعىن ماڭعىستاۋ وبلىسىنىڭ پوليتسياسى انىقتاپ جاتىر.
