16:20, 22 - شىلدە 2022 | GMT +5
الماتىدا تىر جالاڭاش ساموكات تەپكەن جاستار 10 كۇنگە قامالدى
الماتى. قازاقپارات - الماتىدا ءال-فارابي داڭعىلىندا تىر جالاڭاش ساموكات تەپكەن قىز بەن جىگىت ۇستالىپ، 10 كۇنگە قامالدى، دەپ حابارلايدى قازاقپارات ءتىلشىسى.
جەرگىلىكتى پوليتسيا قىزمەتىنىڭ مالىمەتىنشە، الماتى قالاسىنىڭ مامانداندىرىلعان اۋدانارالىق اكىمشىلىك سوتىندا الماتى جولدارىندا كيىمسىز ساموكاتپەن جۇرگەن 1997-جىلى تۋعان م. ەسىمدى قىز بەن 2003-جىلعى گ. ەسىمدى ازاماتقا قاتىستى سوت وتىرىسى ءوتتى.
«قۇقىق بۇزۋشىلاردى بوستاندىق اۋداندىق پوليتسيا باسقارماسىنىڭ قىزمەتكەرلەرى انىقتادى جانە ۇستادى. ولاردىڭ ادەپسىز ارەكەتتەرى ق ر ا ق ب ك- ءنىڭ 434-بابى - ۇساق بۇزاقىلىقپەن كۆاليفيكاتسيالاندى. ءىستىڭ ماتەريالدارى سوتقا جىبەرىلدى، ونىڭ شەشىمىمەن ءارقايسىسى 10 تاۋلىككە اكىمشىلىك قاماۋعا الىندى»، - دەدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزابايەۆ.
ايتا كەتەيىك، الماتىدا ساموكات مىنگەن جالاڭاش قىز بەن جىگىتتىڭ ۆيدەوسى الەۋمەتتىك جەلىدە تاراعان بولاتىن.
